Jazǵy demalysty ár balǵyn qyzyqty ári kóńildi ótkizýdi qalaidy. Taýǵa shyǵyp, ózenge shomylyp, dostarymen ártúrli tanymdyq joryqtarǵa, saiahattarǵa barǵysy keletini anyq.
Jazǵy demalys kezeńin tildik mektepterge baryp, horeografiiamen, vokalmen, sýretpen ainalysyp ta tiimdi ótkizýge bolady. Alaida biylǵy jaz maýsymynda oqýshylar demalatyn oryndardyń kóbisi elimizde oryn alǵan epidemiologiialyq jaǵdaiǵa bailanysty jabyq ekeni belgili.
Osy ýaqytta bala úsh ai boiy teledidar men kompiýterdiń aldyna jipsiz bailanyp otyrmaýy úshin Taldyqorǵan qalasynyń Oqýshylar saraiy jazǵy onlain-lager jumysyn uiymdastyrdy. Osy oraida alty top qurylyp, ár topta 5-10 baladan qatysýda. Kishi top boiynsha bastaýysh synyp oqýshylary kúnine eki saǵattan on kún onlain rejiminde demaldy.
Birinshi maýsym 1-14 maýsym aralyǵynda ótip, qamtý kórsetkishi 40-50 balany qurady.
Jazǵy onlain-lagerdiń birinshi maýsymynyń keshendi baǵdarlamasy eki baǵyttan turdy. Ol – oiyn-saýyq, tárbielik jáne tanymdyq baǵyttar. Onda “Qazaqstan – meniń Otanym” jáne “Saiahat ýaqyty” taqyryptary qamtyldy. Sonymen qatar, onlain-lager baǵdarlamasynda sporttyq oiyndar, túrli baiqaýlar (sýret, qolóner, vokal, horeografiia jáne basqa) qarastyryldy.
Oqýshylar saraiynda jazǵy demalys sabaqtary da onlain rejiminde ótýde. Belgili bir ýaqytta pedagogtar men oqýshylar kompiýter nemese smartfon kómegimen bailanysady. Bul oraida onlain-úiirmeler – dombyra, horeografiia, beineleý óneri, qolóner, týrizm, shahmat jáne tildik mektepterdiń jumystary toqtatylmai, júrgizilýde.
Jazǵy onlain-lagerde ótkizilgen kúnder balalardyń esinde uzaq saqtalady jáne umytylmas áserlerge, paidaly isterge jáne jaǵymdy estelikterge toly bolady dep senemiz.
Almagúl ARAPOVA,
Oqýshylar saraiy direktorynyń oqý-tárbie jónindegi orynbasary
Taldyqorǵan qalasy
