Taldyqorǵanda ulandyqtar órtengen úiden eki gaz ballon men aýa jetpei qysylǵan adamdy alyp shyqty, dep habarlaidy Polisia.kz.
Órt 28 sáýirde saǵat keshki 20.10-da Taldyqorǵanda bolǵan. Qala kóshelerin patrýldep júrgen Ulttyq ulan 5514 áskeri bóliminiń áskeri qyzmetshileri shaǵyn aýdandardyń birinen órtengen úidi baiqaidy. Ulandyqtar bul týraly dereý áskeri jasaqtar boiynsha kezekshige, oqiǵa týraly órt sóndirýshi brigadaǵa habarlap, shuǵyl órt shyqqan úige jetken. Jaǵdaidy baǵamdaǵan patrýldi top qyzmetin baqylaýshy leitenant Abai Dáýletkeldinov kómekke jaqyn jerdegi úsh áskeri jasaqty shaqyrǵan. Áskeri qyzmetkerler birlese atalǵan úidiń iesine órt sóndirýshiler kelgenshe tilsiz jaýdy aýyzdyqtaýǵa kómektesedi.
Órtke oranǵan úige kirgen ulandyq Abai Dáýletkeldinov úide aýa jetpei tunshyǵyp jatqan adamdy dereý syrtqa shyǵaryp, oǵan alǵashqy meditsinalyq kómek kórsetken.
