تالدىقورعاندا ۇلاندىقتار ٶرتەنگەن ٷيدەن ەكٸ گاز باللون مەن اۋا جەتپەي قىسىلعان ادامدى الىپ شىقتى, دەپ حابارلايدى Polisia.kz.
ٶرت 28 سەۋٸردە ساعات كەشكٸ 20.10-دا تالدىقورعاندا بولعان. قالا كٶشەلەرٸن پاترۋلدەپ جٷرگەن ۇلتتىق ۇلان 5514 ەسكەري بٶلٸمٸنٸڭ ەسكەري قىزمەتشٸلەرٸ شاعىن اۋدانداردىڭ بٸرٸنەن ٶرتەنگەن ٷيدٸ بايقايدى. ۇلاندىقتار بۇل تۋرالى دەرەۋ ەسكەري جاساقتار بويىنشا كەزەكشٸگە, وقيعا تۋرالى ٶرت سٶندٸرۋشٸ بريگاداعا حابارلاپ, شۇعىل ٶرت شىققان ٷيگە جەتكەن. جاعدايدى باعامداعان پاترۋلدٸ توپ قىزمەتٸن باقىلاۋشى لەيتەنانت اباي دەۋلەتكەلدينوۆ كٶمەككە جاقىن جەردەگٸ ٷش ەسكەري جاساقتى شاقىرعان. ەسكەري قىزمەتكەرلەر بٸرلەسە اتالعان ٷيدٸڭ يەسٸنە ٶرت سٶندٸرۋشٸلەر كەلگەنشە تٸلسٸز جاۋدى اۋىزدىقتاۋعا كٶمەكتەسەدٸ.
ٶرتكە ورانعان ٷيگە كٸرگەن ۇلاندىق اباي دەۋلەتكەلدينوۆ ٷيدە اۋا جەتپەي تۇنشىعىپ جاتقان ادامدى دەرەۋ سىرتقا شىعارىپ, وعان العاشقى مەديتسينالىق كٶمەك كٶرسەتكەن.
