Búgin Taldyqorǵanda táýligine 500 tonna maily daqyl óńdeitin, jalpy quny 5,8 mlrd. teńge bolatyn jańa zaýyt ashyldy, - dep habarlaidy "Ult aqparat".
Kásiporynnyń saltanatty ashylý rásimine Almaty oblysynyń ákimi Amandyq Batalov, memleket jáne qoǵam qairatkeri, Halyq qaharmany, Eńbek Eri Sergei Tereshenko jáne belgili kásipker Temirhan Dosmuhambetov qatysty.
«Indýstrialdy aimaqtyń tabysty jumys isteýine jergilikti bilik barlyq jaǵdaidy jasady. Jaryǵy bar, sýy, gazy, barlyq qajetti infraqurylymdary bar. Endi tek qana kásiporyndar salyp, ónim shyǵarý kerek. Biz budan ári qospa jem óndirisin, jemis súrleý zaýytyn qurýdy josparlap otyrmyz. Al birinshi kezeńinde búgin ósimdik maiyn shyǵaratyn zaýyt ashtyq, kúnbaǵys pen rapstyń dánin óńdeimiz. Osy jaǵdaidy paidalanyp, indýstrialdy aimqqa jańa zaýyt salýǵa shaqyramyn, jańa jumys oryndaryn birge quryp, otandyq ónim óndirýge atsalysaiyq», - dedi S.Tereshenko.
