بٷگٸن تالدىقورعاندا تەۋلٸگٸنە 500 توننا مايلى داقىل ٶڭدەيتٸن, جالپى قۇنى 5,8 ملرد. تەڭگە بولاتىن جاڭا زاۋىت اشىلدى, - دەپ حابارلايدى "ۇلت اقپارات".
كەسٸپورىننىڭ سالتاناتتى اشىلۋ رەسٸمٸنە الماتى وبلىسىنىڭ ەكٸمٸ اماندىق باتالوۆ, مەملەكەت جەنە قوعام قايراتكەرٸ, حالىق قاھارمانى, ەڭبەك ەرٸ سەرگەي تەرەششەنكو جەنە بەلگٸلٸ كەسٸپكەر تەمٸرحان دوسمۇحامبەتوۆ قاتىستى.
«يندۋستريالدى ايماقتىڭ تابىستى جۇمىس ٸستەۋٸنە جەرگٸلٸكتٸ بيلٸك بارلىق جاعدايدى جاسادى. جارىعى بار, سۋى, گازى, بارلىق قاجەتتٸ ينفراقۇرىلىمدارى بار. ەندٸ تەك قانا كەسٸپورىندار سالىپ, ٶنٸم شىعارۋ كەرەك. بٸز بۇدان ەرٸ قوسپا جەم ٶندٸرٸسٸن, جەمٸس سٷرلەۋ زاۋىتىن قۇرۋدى جوسپارلاپ وتىرمىز. ال بٸرٸنشٸ كەزەڭٸندە بٷگٸن ٶسٸمدٸك مايىن شىعاراتىن زاۋىت اشتىق, كٷنباعىس پەن راپستىڭ دەنٸن ٶڭدەيمٸز. وسى جاعدايدى پايدالانىپ, يندۋستريالدى ايمققا جاڭا زاۋىت سالۋعا شاقىرامىن, جاڭا جۇمىس ورىندارىن بٸرگە قۇرىپ, وتاندىق ٶنٸم ٶندٸرۋگە اتسالىسايىق», - دەدٸ س.تەرەششەنكو.
