Taldyqorǵanda meditsinalyq kolledjdiń on jeti jastaǵy stýdenti meningitten qaza tapty, dep habarlady Almaty oblysy ákiminiń baspasóz hatshysy Ǵalymmurat Júkel.
Jas jigit dúisenbi 4 maýsym kúni Taldyqorǵannyń juqpaly aýrýlar emhanasyna túsken.
"Túsken kezde óte aýyr hálde bolatyn. Birden jansaqtaý bólimine jatqyzyldy. Keshki alty jarym kezinde kóz jumdy", — dep habarlady Júkel.
Qazaqstanda meningit aýrýyn juqtyrǵan alpys naýqas tirkeldi. Budan buryn habarlanǵandai, dert saldarynan on eki adam kóz jumǵan, olardyń beseýi – 14 jasqa tolmaǵan balalar. Meningitten qaza tapqandardyń basym kópshiligi Almatydan.
Qazaqstanda meningitke qarsy ekpeni aqyly jasatýǵa bolady: baǵasy Almatyda 22 myń 500 teńgeden bastalyp, Astanada 28 myń teńgege deiin jetedi.
