تالدىقورعاندا مەديتسينالىق كوللەدجدٸڭ ون جەتٸ جاستاعى ستۋدەنتٸ مەنينگيتتەن قازا تاپتى, دەپ حابارلادى الماتى وبلىسى ەكٸمٸنٸڭ باسپاسٶز حاتشىسى عالىممۇرات جٷكەل.
جاس جٸگٸت دٷيسەنبٸ 4 ماۋسىم كٷنٸ تالدىقورعاننىڭ جۇقپالى اۋرۋلار ەمحاناسىنا تٷسكەن.
"تٷسكەن كەزدە ٶتە اۋىر حەلدە بولاتىن. بٸردەن جانساقتاۋ بٶلٸمٸنە جاتقىزىلدى. كەشكٸ التى جارىم كەزٸندە كٶز جۇمدى", — دەپ حابارلادى جٷكەل.
قازاقستاندا مەنينگيت اۋرۋىن جۇقتىرعان الپىس ناۋقاس تٸركەلدٸ. بۇدان بۇرىن حابارلانعانداي, دەرت سالدارىنان ون ەكٸ ادام كٶز جۇمعان, ولاردىڭ بەسەۋٸ – 14 جاسقا تولماعان بالالار. مەنينگيتتەن قازا تاپقانداردىڭ باسىم كٶپشٸلٸگٸ الماتىدان.
قازاقستاندا مەنينگيتكە قارسى ەكپەنٸ اقىلى جاساتۋعا بولادى: باعاسى الماتىدا 22 مىڭ 500 تەڭگەدەن باستالىپ, استانادا 28 مىڭ تەڭگەگە دەيٸن جەتەدٸ.
