Taldyqorǵan kóshelerinde mas kúiinde kólik tizgindep, sairan salǵan júrgizýshi qolǵa tústi.
Almaty oblysynyń politseileri jol qaýipsizdigi qyzmetinde júrip, Taldyqorǵan qalasynyń ortalyq kósheleriniń birinde Subaru avtokóligin toqtatady. Biraq júrgizýshi biliktiń zańdy talaptaryn elemei, jasyrynýǵa sheshim qabyldap, qasha jóneledi.
«Patrýldeý men qoǵamdyq tártipti saqtaý kezinde №161 bort ekipajy, politsiia aǵa leitenanty Azamat Barlybaev pen Erkebulan Baiǵaliev Subaru avtokóligin toqtatty. Júrgizýshi jaýap retinde qala kósheleriniń boiynda politseilerden qashyp, jasyrynýǵa sheshim qabyldady. Kóp uzamai tájiribeli politsei ony qýyp jetip, joldyń shetine qarai tyqsyrdy, osylaisha qaýiptiń aldyn aldy», - deidi Taldyqorǵan qalalyq politsiia basqarmasynyń bastyǵy, politsiia polkovnigi Asqar Nursapa.
Qýalaý kezinde júrgizýshi men onyń kóligi zardap shekken joq. Anyqtalǵanyndai, kólik júrgizýshisiniń bulai qashýynyń ózindik sebebi bolǵan. «Áńgime barysynda politseiler kólik tizgindegen azamattyń alkogoldik mas kúide bolǵanyn baiqady. Tekserý kezinde dárigerler júrgizýshiniń qanynda alkogol bar ekenin rastady. Qazirgi ýaqytta sot 35 jastaǵy qala turǵynyna 15 táýlikke qamaýǵa alý jáne 7 jylǵa kólik júrgizý quqyǵynan aiyrý túrindegi ákimshilik jaza taǵaiyndady», - dep tolyqtyrdy politsiia polkovnigi A.Nursapa.
