تالدىقورعان كٶشەلەرٸندە ماس كٷيٸندە كٶلٸك تٸزگٸندەپ, سايران سالعان جٷرگٸزۋشٸ قولعا تٷستٸ.
الماتى وبلىسىنىڭ پوليتسەيلەرٸ جول قاۋٸپسٸزدٸگٸ قىزمەتٸندە جٷرٸپ, تالدىقورعان قالاسىنىڭ ورتالىق كٶشەلەرٸنٸڭ بٸرٸندە Subaru اۆتوكٶلٸگٸن توقتاتادى. بٸراق جٷرگٸزۋشٸ بيلٸكتٸڭ زاڭدى تالاپتارىن ەلەمەي, جاسىرىنۋعا شەشٸم قابىلداپ, قاشا جٶنەلەدٸ.
«پاترۋلدەۋ مەن قوعامدىق تەرتٸپتٸ ساقتاۋ كەزٸندە №161 بورت ەكيپاجى, پوليتسييا اعا لەيتەنانتى ازامات بارلىباەۆ پەن ەركەبۇلان بايعاليەۆ Subaru اۆتوكٶلٸگٸن توقتاتتى. جٷرگٸزۋشٸ جاۋاپ رەتٸندە قالا كٶشەلەرٸنٸڭ بويىندا پوليتسەيلەردەن قاشىپ, جاسىرىنۋعا شەشٸم قابىلدادى. كٶپ ۇزاماي تەجٸريبەلٸ پوليتسەي ونى قۋىپ جەتٸپ, جولدىڭ شەتٸنە قاراي تىقسىردى, وسىلايشا قاۋٸپتٸڭ الدىن الدى», - دەيدٸ تالدىقورعان قالالىق پوليتسييا باسقارماسىنىڭ باستىعى, پوليتسييا پولكوۆنيگٸ اسقار نۇرساپا.
قۋالاۋ كەزٸندە جٷرگٸزۋشٸ مەن ونىڭ كٶلٸگٸ زارداپ شەككەن جوق. انىقتالعانىنداي, كٶلٸك جٷرگٸزۋشٸسٸنٸڭ بۇلاي قاشۋىنىڭ ٶزٸندٸك سەبەبٸ بولعان. «ەڭگٸمە بارىسىندا پوليتسەيلەر كٶلٸك تٸزگٸندەگەن ازاماتتىڭ الكوگولدٸك ماس كٷيدە بولعانىن بايقادى. تەكسەرۋ كەزٸندە دەرٸگەرلەر جٷرگٸزۋشٸنٸڭ قانىندا الكوگول بار ەكەنٸن راستادى. قازٸرگٸ ۋاقىتتا سوت 35 جاستاعى قالا تۇرعىنىنا 15 تەۋلٸككە قاماۋعا الۋ جەنە 7 جىلعا كٶلٸك جٷرگٸزۋ قۇقىعىنان ايىرۋ تٷرٸندەگٸ ەكٸمشٸلٸك جازا تاعايىندادى», - دەپ تولىقتىردى پوليتسييا پولكوۆنيگٸ ا.نۇرساپا.
