Ánshi Meirambek Bespaev Sáken Maiǵazievtiń anasyn sońǵy saparǵa shyǵaryp salý rásimine qatysty. Ol qara jamylǵan sahnalasynyń janynan tabylyp, kóńil aitty, dep habarlaidy ult.kz.

Qoshtasý rásiminde Bespaev anasynan aiyrylǵan áriptesine basý aityp, demeý boldy. Osy sátte olardyń qasynda “MýzART” tobynyń burynǵy múshesi Maqsat Bazarbaev ta boldy.

Ónerde talai jyl birge júrgen ánshilerdiń qaiǵyly sátte bir-birine súieý bolǵany jeli qoldanýshylaryn da tolqytty. Kópshilik Sáken Maiǵaziev pen onyń otbasyna kóńil aityp, sabyr tiledi.

Aita keteiik, Sáken Maiǵaziev anasyn eske alyp, kózine jas aldy.

Sáken Maiǵaziev kim? 
 

Sáken Maiǵaziev – qazaqstandyq estrada ánshisi, “MýzART” tobynyń múshesi, Qazaqstannyń eńbek sińirgen qairatkeri. Ol 1975 jyly 1 qańtarda qazirgi Túrkistan oblysynyń Sozaq aýdanynda dúniege kelgen. Kópbalaly otbasynda tárbielengen.

Júsipbek Elebekov atyndaǵy respýblikalyq estrada-tsirk kolledjinde, keiin Temirbek Júrgenov atyndaǵy óner akademiiasynda bilim alǵan. 1997 jyly “Altyn dombyra” respýblikalyq baiqaýynda jeńiske jetken. 1998 jyly “Daryn” memlekettik jastar syilyǵynyń laýreaty atanǵan.

2001 jyldan bastap “MýzART” tobynyń quramynda óner kórsetip keledi. Meirambek Bespaev jáne Maqsat Bazarbaevpen birge qurylǵan trio keiin vokaldy-aspapty ansamblge ainaldy. Ánshilikpen qatar, telebaǵdarlamalarǵa qatysyp, júrgizýshilikpen jáne jas oryndaýshylardy tárbieleýmen ainalysqan.