Taldyqorǵanda kósheniń qaq ortasynda qoǵamdyq kólik otqa orandy. Avtobýs tolyqtai janyp ketti. Abyrai bolǵanda zardap shekkender joq, - dep habarlaidy "Ult aqparat".
«228-shi baǵyttaǵy avtobýs Nazarbaev dańǵylynyń boiynda otqa orandy. Aldyn ala boljam boiynsha, órt symdardyń qysqa tuiyqtalýynan bolǵan. Kólik janyp ketti. Zardap shekkender joq», - dedi Taldyqorǵan qalalyq kólik jáne avtomobil joldary bóliminiń basshysy Nurbaqyt Altynbekov.
Bólim basshynyń aitýynsha, avtobýs «Transtall» jaýapkershiligi shekteýli seriktestikke tiesili. Qazirgi ýaqytta qyzyl jalynǵa oranǵan kólik atalǵan seriktestiktiń aimaǵyna jetkizilgen. Órtti tótenshe jaǵdailar qyzmetiniń mamandary sóndirgen.
