تالدىقورعاندا كٶشەنٸڭ قاق ورتاسىندا قوعامدىق كٶلٸك وتقا وراندى. اۆتوبۋس تولىقتاي جانىپ كەتتٸ. ابىراي بولعاندا زارداپ شەككەندەر جوق, - دەپ حابارلايدى "ۇلت اقپارات".
«228-شٸ باعىتتاعى اۆتوبۋس نازارباەۆ داڭعىلىنىڭ بويىندا وتقا وراندى. الدىن الا بولجام بويىنشا, ٶرت سىمداردىڭ قىسقا تۇيىقتالۋىنان بولعان. كٶلٸك جانىپ كەتتٸ. زارداپ شەككەندەر جوق», - دەدٸ تالدىقورعان قالالىق كٶلٸك جەنە اۆتوموبيل جولدارى بٶلٸمٸنٸڭ باسشىسى نۇرباقىت التىنبەكوۆ.
بٶلٸم باسشىنىڭ ايتۋىنشا, اۆتوبۋس «ترانستالل» جاۋاپكەرشٸلٸگٸ شەكتەۋلٸ سەرٸكتەستٸككە تيەسٸلٸ. قازٸرگٸ ۋاقىتتا قىزىل جالىنعا ورانعان كٶلٸك اتالعان سەرٸكتەستٸكتٸڭ ايماعىنا جەتكٸزٸلگەن. ٶرتتٸ تٶتەنشە جاعدايلار قىزمەتٸنٸڭ ماماندارى سٶندٸرگەن.
