Taldyqorǵan qalasynyń bas sanitariialyq dárigeri Ermek Ásimqulov Taldyqorǵan qalasy aýmaǵynda karantin rejimin kúsheitý jáne keibir shekteý sharalaryn engizý týraly Qaýly shyǵardy, dep habarlaidy "Ult aqparat".
«Taldyqorǵan qalasynyń aýmaǵynda koronavirýs infektsiiasynyń taralýyna jol bermeý jónindegi jedel shtabtyń sheshimi boiynsha karantin rejimi jáne keibir shekteý sharalary engizilsin. Covid-19-dyń taralýyna jáne epidemiologiialyq jaǵdaiǵa bailanysty karantin rejimi men merzimderi ózgertilýi múmkin», - delingen Qaýlyda.
Qaýlyda jazylǵandai qashyqtyqtaǵy formatta tehnikalyq jáne kásiptik, orta jáne joǵary bilim beretin mektepter men uiymdarda onlain rejimde oqytý merzimi uzartylady.
«65 jastan asqan azamattar úshin kóshege shyǵýǵa qatań tyiym salynady. Saýda jáne oiyn-saýyq ortalyqtary, saýda nysandary adam syiymdylyǵy 30%-dan aspaýy kerek, jumys ýaqyty kúndizgi saǵat 10:00-den túngi 22:00-ge deiin, jeksenbi kúni jumys isteýge tyiym salynady», - delingen qujatta.
Qaýlynyń tolyq nusqasyn myna jerden oqýǵa bolady.
