Áleýmettik jelide Taldyqorǵanda bir top bala qatarlasyn soqqyǵa jyǵyp jatqan sátiniń videosy tarady, - dep habarlaidy "Ult aqparat".
"Taldyqorǵan qalasy. Bir top bala jasóspirimdi uryp jatqany túsirilgen taǵy bir video keldi. Biz politsiiadan shara qoldanýyn suraimyz. Tynysh ketip bara jatqan adamdy uryp ketken dep jatyr", - delingen áleýmettik jelide taraǵan videoda.
"Jasóspirimder arasyndaǵy oqiǵa 15 sáýirde Taldyqorǵan qalasyndaǵy ortalyq saiabaq aýmaǵynda bolǵan. Oǵan qatysqandardyń barlyǵy anyqtalyp, zańdy ókilderimen birge qalalyq politsiiaǵa jetkizildi. Olar jergilikti oqý oryndarynyń 2006-2007 jyly týylǵan oqýshylary bolyp shyqty.
Atalǵan fakti boiynsha QR QK-niń 293-babynyń 2-bóliminde "Buzaqylyq" kózdelgen sotqa deiingi tergeý amaldary bastaldy. Qylmystyq isti tergeý oblystyq politsiia departamentiniń erekshe baqylaýyna alyndy" - delingen PD habarlamasynda.
