Oblystyq Tótenshe jaǵdailar departamentiniń málimetinshe, órt qysqa tuiyqtalýdan shyqqan. "Kóktal" shaǵynaýdanyndaǵy úi tolyǵymen órtenip, apatty jaǵdaiǵa jetip, otbasy jeti balasymen baspanasyz kóshede qaldy.
"Úiden eshteńe qalmady. Búgin týystarymyzǵa túneýge bardyq, biraq ol jaqta da adamdar kóp. Olardyń aldynda yńǵaisyz. Qazir jergilikti qoǵamdyq oryndarda bizge kómek qory ashyldy. Kóp raqmet. Taldyqorǵandyqtarǵa alańdaýshylyq bildirgeni úshin alǵysym sheksiz", - deidi Mánshúk.
Ákimdik máseleniń mán-jaiyn biledi, tipti oqiǵa ornyna kelgen. Jeti balanyń anasynyń aitýynsha, jergilikti bilik tek jańa baspana tabýǵa ǵana kómek kórsetedi, biraq otbasy óz qarajatynan tóleidi.
"Bizge jinalǵan qarajatqa jańa úi alamyz. Ákimdik izdeýge kómektesetinin aitty. Búgin bir-eki nusqany qarastyrdyq, biraq olar bizge sáikes kelmeidi, óitkeni balalarym osynda jaqyn jerde oqidy. Olarǵa jol júrý yńǵaisyz bolady", - deidi áiel.
Otbasyndaǵy balalardyń úlkeni 15 jasta bolsa, kenjesi bar bolǵany bir jasta. Bireýi múgedek. Otbasy Taldyqorǵannyń qamqor turǵyndaryna úmit artyp otyr, olardyń qarajatyna jańa baspana satyp alady.
Ázirge qansha aqsha jinalǵanyn Mánshúk naqtylaǵan joq.
kollaj: Tengrinews.kz
