Taldyqorǵanda poshta qyzmetkerin tonap ketti. Onyń qolynda zeinetkerlerge tiesili 1,5 mln teńge aqsha bolǵan, dep habarlaidy "Ult aqparat".
Oqiǵa 3 aqpan kúni boldy. Kúndizdi saǵat 11:00-de politsiia bólimshesine 53 jastaǵy poshta qyzmetkeri aryzdanǵan.
«Poshta qyzmetkeri velosipedpen zeinetkerler úiine kele jatqan tusta belgisiz bireý artqy jaqtan kelip, artqy jáshiginde jatqan dorbany alyp ketken. Al onda 1,5 mln teńge qarajat bolǵan. Jedel-izdestirý sharasy barysynda 40 jastaǵy jumyssyz júrgen jergilikti turǵyn ustaldy. Ol óz kinásin moiyndady. Kúdikti buǵan deiin de sottalǵan bolyp shyqty», - dedi Taldyqorǵan qalalyq Politsiia basqarmasynyń basshysy Asqar Nursapa.
Almaty oblystyq Politsiia departamenti baspasóz qyzmetiniń málimetinshe, qazir atalǵan faktige sáikes QR QK 191 baby 1 bóligi «Tonaý» deregi boiynsha sot aldy tergeý júrip jatyr. Kúdikti ýaqytsha ustaý izoliatoryna qamaldy.
