Biyl «Taldyqorǵan-Úsharal-Alakól» jolynda kólik qatynai bastaidy. Bul jaiynda QR Indýstriia jáne infraqurylymdyq damý ministrliginiń Telegram paraqshasynda jariialandy, dep habarlaidy "Ult aqparat".
«Almaty oblysynda Alakól demalys ornyna aparatyn 342 shaqyrymdyq «Taldyqorǵan –Úsharal – Alakól» tasjolyn qaita jańartý jumystary jalǵasýda. Óńirdiń týristik áleýetin damytýda atalǵan jobanyń mańyzy zor. Jol ótken ǵasyrdyń 70-shi jyldarynda salynǵan bolatyn. Ony qaita jańartý jumystary 2018 jylǵa deiin múlde júrgizilmegen», - delingen vedmostvo málimetinde.
Ministrliktiń málimetinshe, jumystardy «CITIC Construction Co.» kompaniiasy, «ABK Avtodor NS» jáne «Qyran» JShS júzege asyrýda. Joba aiasyndaǵy jumystarǵa 2 myń adam men tehnikanyń 800 birligi jumyldyrylǵan.
Qazirgi kezde qurylys-montajdaý jumystary joǵary qarqynmen júrgizilip jatyr. Merdiger kompaniialar asfalt-beton jabyndysyn tóseýde. Avtomobil jolynyń tolyq boiynda qozǵalys biyl ashylady dep josparlanǵan.
