Qara shańyraǵymyz ál-Farabi atyndaǵy Qazaq Ulttyq ýniversiteti, Ó.Joldasbekov atyndaǵy stýdentter saraiynda «Suńqar» stýdentter men magistranttar kásipodaǵynyń QB uiymdastyrýymen «Rýhani jańǵyrý» baǵdarlamasy jáne QazUÝ rektory Ǵalymqaiyr Mutanovtyń «Ainalańdy nurlandyr» jobasy aiasynda «Suńqar kýbogy Smart student’s project» chempionatynyń grand finaldyq kezeńi ótti.
Jobanyń shymyldyǵy «Suńqar» stýdentter men magistranttar kásipodaǵy belsendileriniń oryndaýynda «Smart student’s project» gimnimen ashylyp, qatysýshy komandalardyń fleshmobymen jalǵasty. Grand finaldyq kezeń qatysýshylary «Aqpen birge», «Everest», «Fizteh», «Brend», «Mýzykanttyń qoiyn dápteri» komandalary boldy. Jobanyń maýsymashar kezeńinen bastap iriktelgen osy 5 komanda óner súier kópshilikke óz deńgeiinde keremet oiyn úlgisin kórsetip, 3 kezeń: «Preface» - sálemdesý, oiynshylardyń intellektýaldy-logikalyq deńgeiin baǵalaý(suraq-jaýap), juldyzben úi tapsyrmasy boiynsha synǵa tústi. Jobanyń maqsatyna sai komandalar ózderiniń bilimdilikterimen, logikalyq oilaý qabiletterimen kórermen qaýymdy tyń jańalyqtarymen tánti etti. Komandalarǵa óziniń ádil baǵasyn berip, tórelik etken ádilqazylar qatarynda «Bugin Group» holdinginiń direktory Aibek Qýatbaev, tanymal ánshiler Aigúl Qosanova jáne Didar Qaden, Jaidarman-2014 chempiony, stsenarist, akter Qasymov Abylaihan, ál-Farabi atyndaǵy QazUÝ-dyń áleýmettik tárbie jumysy jónindegi basqarma basshysy Talǵat Bolatuly, «Suńqar» stýdentter men magistranttar kásipodaǵynyń QB tóraǵasy Shuǵyla Meirambekqyzy boldy.
Joba nátijesinde júldeli III oryndy filologiia jáne álem tilderi fakýlteti, «Brand» komandasy enshilip, Sharyn shatqalyna joldama aldy. II oryndy geografiia jáne tabiǵatty paidalaný fakýltetiniń «Everest» komandasy ielendi. Bul komandaǵa «Ystyqkól» sporttyq-saýyqtyrý ortalyǵyna joldama buiyrdy. 2019 jyldyń «Smart student’s Project» chempionatynyń jeńimpaz komandasy fizika-texnikalyq fakýltetiniń «Fiztex quramasy» boldy. Jeńimpaz komanda «BuginGroup» xoldingi usynǵan 200 000 teńgeni qanjyǵalaryna bailady. “Suńqar kýbogy" Smart student’s project chempionatynda júldelermen qatar nominatsiialar tabys etildi. «Eń úzdik oiynshy» nominatsiiasyna shyǵystaný fakýlteti, «Mýzykanttyń qoiyn dápteri» komandasynyń oiynshysy Ermaxan Shyńǵys ie bolyp, Dýbai qalasyna joldama aldy. «Miss SSP» nominatsiiasyn «Brand» komandasynyń oiynshysy Fadeeva Marina enshilep, «Rozaline jewerly» zergerlik úiiniń syilyǵyna ie boldy. «Mister SSP» nominatsiiasyn Nurlybek Jappar enshilep, «Coolwatch lordtimes» usynǵan ataýly syilyqqa ie boldy. «Úzdik kapitan» nominatsiiasy «Aqpen birge» komandasynyń kapitany Rahimbaeva Laýraǵa tabystalyp, Nur-Sultan qalasyna joldama aldy. Jeńimpazdarǵa jetistikter jelkeninde qalyqtai berińizder demekpiz.
QazUÝ rektory Ǵalymqaiyr Mutanulynyń qoldaýymen ótken jobanyń finaldyq kezeńi Almaty qalasy belsendi jastary men kesh qonaqtary, óner juldyzdarynyń kózqarasy boiynsha joǵary deńgeide ótkendigin dáleldei túsedi. «Suńqar kýbogy» Smart student’s project chempionatynyń finaldyq kezeńinde joǵarydaǵy demeýshilermen qatar ál-Farabi atyndaǵy QazUÝ teleradio kesheni túsirilim jumystaryn júrgizip, aqparattyq qoldaý kórsetti. Kreativ pen jańashyl ideiaǵa, ádemi áýen men jahandyq jańalyqtarǵa, QazUÝ atmosferasy týrasynda shynaiy shartarapqa qurylǵan komandalardyń oi júiesine jobanyń grand finaldyq kezeńine kelgen kórermen qaýym, arnaiy qonaqtar, QazUÝ oqytýshy-professorlar quramy joǵary baǵa berip, «Suńqar» stýdentter men magistranttar kásipodaǵynyń aldaǵy aǵymdyq jumystaryna sáttilik tiledi.
Idaiat Nursáýle
ál-Farabi atyndaǵy QazUÝ
Biologiia jáne biotehnologiia fakýltetiniń 3 kýrs stýdenti
