Elordalyq áiel taksishige senemin dep, 40 myń dollarynan aiyryldy, dep habarlaidy "Ult aqparat".
«Serikboldy Sársembinovqa alaiaqtyq jasady degen kúdikpen izdeý jariialandy. Ol jeke taksi qyzmetinde júrip, jumys babynda bir áielmen tanysqan. Áieldiń baspanaǵa zárý ekenin bilgen ol kepildik múlikti usyna otyryp, nesie alyp berýge ýáde bergen. Jábirlenýshiniń senimine kirgennen keiin onyń 40 myń dollaryn alyp, habarsyz ketken», - dep habarlaidy elordanyń Politsiia departamentinen.
Osyǵan uqsas qylmys jasady degen kúdikpen Qorlan Satybaev esimdi jigitke de izdeý salynǵan. Ol qiyn jaǵdaida qalǵan taǵy bir áieldiń senimine kirip, 30 myń dollaryn qaltasyna basqan.
«Sol sekildi, qala aýmaǵynda jasyrynyp júrgen Rinat Silámov atty adamǵa izdeý jariialanady. Er adam kezeksiz páter alyp beremin degen jeleýmen qala turǵyndaryn aldap kelgen. Osyndai amalmen 10 adamnyń 3-6 mln teńge aralyǵyndaǵy aqshasyn aldap alǵan», - dep habarlaidy departamentten.
Nur-Sultan qalalyq Politsiia departamenti alaiaqtardy qolǵa túsirýde kómek kórsetýdi suraidy. Joǵaryda atalǵandardyń qaida ekenin bilgen azamattar 8(7172)71-60-22, 8-778-638-88-70, 8-701-716-41-20 nemese 102 nómirine habarlasa alady. Politseiler alaiaqtardy ustap bergen adamdardyń attary eshqaida jariialanbaitynyna ýáde berip otyr.
