ەلوردالىق ەيەل تاكسيشٸگە سەنەمٸن دەپ, 40 مىڭ دوللارىنان ايىرىلدى, دەپ حابارلايدى "ۇلت اقپارات".
«سەرٸكبولدى سەرسەمبينوۆقا الاياقتىق جاسادى دەگەن كٷدٸكپەن ٸزدەۋ جارييالاندى. ول جەكە تاكسي قىزمەتٸندە جٷرٸپ, جۇمىس بابىندا بٸر ەيەلمەن تانىسقان. ەيەلدٸڭ باسپاناعا زەرۋ ەكەنٸن بٸلگەن ول كەپٸلدٸك مٷلٸكتٸ ۇسىنا وتىرىپ, نەسيە الىپ بەرۋگە ۋەدە بەرگەن. جەبٸرلەنۋشٸنٸڭ سەنٸمٸنە كٸرگەننەن كەيٸن ونىڭ 40 مىڭ دوللارىن الىپ, حابارسىز كەتكەن», - دەپ حابارلايدى ەلوردانىڭ پوليتسييا دەپارتامەنتٸنەن.
وسىعان ۇقساس قىلمىس جاسادى دەگەن كٷدٸكپەن قورلان ساتىباەۆ ەسٸمدٸ جٸگٸتكە دە ٸزدەۋ سالىنعان. ول قيىن جاعدايدا قالعان تاعى بٸر ەيەلدٸڭ سەنٸمٸنە كٸرٸپ, 30 مىڭ دوللارىن قالتاسىنا باسقان.
«سول سەكٸلدٸ, قالا اۋماعىندا جاسىرىنىپ جٷرگەن رينات سٸلەموۆ اتتى ادامعا ٸزدەۋ جارييالانادى. ەر ادام كەزەكسٸز پەتەر الىپ بەرەمٸن دەگەن جەلەۋمەن قالا تۇرعىندارىن الداپ كەلگەن. وسىنداي امالمەن 10 ادامنىڭ 3-6 ملن تەڭگە ارالىعىنداعى اقشاسىن الداپ العان», - دەپ حابارلايدى دەپارتامەنتتەن.
نۇر-سۇلتان قالالىق پوليتسييا دەپارتامەنتٸ الاياقتاردى قولعا تٷسٸرۋدە كٶمەك كٶرسەتۋدٸ سۇرايدى. جوعارىدا اتالعانداردىڭ قايدا ەكەنٸن بٸلگەن ازاماتتار 8(7172)71-60-22, 8-778-638-88-70, 8-701-716-41-20 نەمەسە 102 نٶمٸرٸنە حابارلاسا الادى. پوليتسەيلەر الاياقتاردى ۇستاپ بەرگەن ادامداردىڭ اتتارى ەشقايدا جارييالانبايتىنىنا ۋەدە بەرٸپ وتىر.
