Foto: TravelPress.kz
Kazakh Tourism ulttyq kompaniiasy Ońtústik-Shyǵys Aziia naryǵymen bailanysyn kúsheitip, Thai AirAsia X áýekompaniiasymen Almaty – Bangkok baǵyty boiynsha tikelei reis ashý máselesin talqylady. Reis 2025 jylǵy 1 jeltoqsannan bastap iske qosylýy josparlanyp otyr, dep habarlaidy Ult.kz.
Baǵyttyń ereksheligi:
-
Thai AirAsia X úshin Ortalyq Aziiaǵa alǵashqy tikelei reis;
-
Ushý Don Mýang áýejaiynan júzege asyrylady (aimaqtaǵy iri aviatsiialyq hab);
-
Aptasyna 4 ret: dúisenbi, sársenbi, juma, jeksenbi;
-
Airbus A330 ushaǵymen.
Týrizm áleýeti artyp keledi
Ótken jyly Tailandtan Qazaqstanǵa 5 500-den astam týrist kelse, sonyń 4 200-i qonaqúilerde ornalasqan. Kazakh Tourism halyqaralyq áriptestikti keńeitip, Ońtústik-Shyǵys Aziia elderimen bailanysyn nyǵaitýda.
Kazakh Tourism basshysy Daniel Serjanuly:
«Thai AirAsia X kompaniiasynyń Ortalyq Aziiadaǵy alǵashqy baǵyty retinde Qazaqstandy tańdaýy – elimizge degen qyzyǵýshylyqtyń artqanynyń belgisi. Bul qadam Qazaqstandy óńirlik saiahat habyna ainaldyrýǵa yqpal etedi».
🇹🇭 Thai AirAsia X bas direktory Pattra Chaiarpanit:
Jańa reis qos el arasyndaǵy týristik aǵymdy arttyrady.
Qazaqstan men Tailand arasynda 30 kúnge deiin vizasyz rejim bar, bul saparlardy odan da yńǵaily etedi. Kelissózderge Qazaqstannyń Tailandtaǵy elshiligi qoldaý kórsetti.
