فوتو: TravelPress.kz
Kazakh Tourism ۇلتتىق كومپانيياسى وڭتٷستٸك-شىعىس ازييا نارىعىمەن بايلانىسىن كٷشەيتٸپ, Thai AirAsia X ەۋەكومپانيياسىمەن الماتى – بانگكوك باعىتى بويىنشا تٸكەلەي رەيس اشۋ مەسەلەسٸن تالقىلادى. رەيس 2025 جىلعى 1 جەلتوقساننان باستاپ ٸسكە قوسىلۋى جوسپارلانىپ وتىر, دەپ حابارلايدى Ult.kz.
باعىتتىڭ ەرەكشەلٸگٸ:
-
Thai AirAsia X ٷشٸن ورتالىق ازيياعا العاشقى تٸكەلەي رەيس;
-
ۇشۋ دون مۋانگ ەۋەجايىنان جٷزەگە اسىرىلادى (ايماقتاعى ٸرٸ اۆياتسييالىق حاب);
-
اپتاسىنا 4 رەت: دٷيسەنبٸ, سەرسەنبٸ, جۇما, جەكسەنبٸ;
-
Airbus A330 ۇشاعىمەن.
تۋريزم ەلەۋەتٸ ارتىپ كەلەدٸ
ٶتكەن جىلى تايلاندتان قازاقستانعا 5 500-دەن استام تۋريست كەلسە, سونىڭ 4 200-ٸ قوناقٷيلەردە ورنالاسقان. Kazakh Tourism حالىقارالىق ەرٸپتەستٸكتٸ كەڭەيتٸپ, وڭتٷستٸك-شىعىس ازييا ەلدەرٸمەن بايلانىسىن نىعايتۋدا.
Kazakh Tourism باسشىسى دانيەل سەرجانۇلى:
«Thai AirAsia X كومپانيياسىنىڭ ورتالىق ازيياداعى العاشقى باعىتى رەتٸندە قازاقستاندى تاڭداۋى – ەلٸمٸزگە دەگەن قىزىعۋشىلىقتىڭ ارتقانىنىڭ بەلگٸسٸ. بۇل قادام قازاقستاندى ٶڭٸرلٸك ساياحات حابىنا اينالدىرۋعا ىقپال ەتەدٸ».
🇹🇭 Thai AirAsia X باس ديرەكتورى پاتترا چايارپانيت:
جاڭا رەيس قوس ەل اراسىنداعى تۋريستٸك اعىمدى ارتتىرادى.
قازاقستان مەن تايلاند اراسىندا 30 كٷنگە دەيٸن ۆيزاسىز رەجيم بار, بۇل ساپارلاردى ودان دا ىڭعايلى ەتەدٸ. كەلٸسسٶزدەرگە قازاقستاننىڭ تايلاندتاعى ەلشٸلٸگٸ قولداۋ كٶرسەتتٸ.
