Tailandta qaza tapqan 17 jastaǵy Roman men 22 jastaǵy ápkesi Diananyń isi jańa málimettermen tolyqty. Jergilikti politsiianyń málimetinshe, kúdiktiler qylmysty moiyndap, máiitter kómilgen oryndy kórsetken. Sol jerden jalpy bes adamnyń denesi tabylǵan, dep habarlaidy ult.kz.
Quqyq qorǵaý organdarynyń habarlaýynsha, Roman men Diananyń denelerinen bólek, taǵy úsh adamnyń súiegi anyqtalǵan. Tergeýdiń aldyn ala nusqasy boiynsha, olar qylmystyń kýágeri bolǵan bir otbasynyń músheleri bolýy múmkin.
BAQ málimetinshe, qandy qylmysqa marqumdardyń mototsikli sebep bolǵan. Buryn sottalǵan jergilikti turǵyndar kólikti iemdený úshin Resei azamattaryn óltirgen degen kúdikke ilingen. Keiin bólshektelgen mototsikl kúdiktilerdiń biriniń úii mańynan kómilgen kúide tabylǵan.
Qylmystan keiin kúdiktiler politsiia qyzmetkerleriniń formasyn kiip, izin jasyrýǵa tyrysqan. Alaida olardy izdestirý barysynda tártip saqshylary qolǵa túsirdi. Qazirgi ýaqytta is boiynsha tergeý jalǵasyp jatyr.
