تايلاندتا قازا تاپقان 17 جاستاعى رومان مەن 22 جاستاعى ەپكەسٸ ديانانىڭ ٸسٸ جاڭا مەلٸمەتتەرمەن تولىقتى. جەرگٸلٸكتٸ پوليتسييانىڭ مەلٸمەتٸنشە, كٷدٸكتٸلەر قىلمىستى مويىنداپ, مەيٸتتەر كٶمٸلگەن ورىندى كٶرسەتكەن. سول جەردەن جالپى بەس ادامنىڭ دەنەسٸ تابىلعان, دەپ حابارلايدى ult.kz.
قۇقىق قورعاۋ ورگاندارىنىڭ حابارلاۋىنشا, رومان مەن ديانانىڭ دەنەلەرٸنەن بٶلەك, تاعى ٷش ادامنىڭ سٷيەگٸ انىقتالعان. تەرگەۋدٸڭ الدىن الا نۇسقاسى بويىنشا, ولار قىلمىستىڭ كۋەگەرٸ بولعان بٸر وتباسىنىڭ مٷشەلەرٸ بولۋى مٷمكٸن.
باق مەلٸمەتٸنشە, قاندى قىلمىسقا مارقۇمداردىڭ موتوتسيكلٸ سەبەپ بولعان. بۇرىن سوتتالعان جەرگٸلٸكتٸ تۇرعىندار كٶلٸكتٸ يەمدەنۋ ٷشٸن رەسەي ازاماتتارىن ٶلتٸرگەن دەگەن كٷدٸككە ٸلٸنگەن. كەيٸن بٶلشەكتەلگەن موتوتسيكل كٷدٸكتٸلەردٸڭ بٸرٸنٸڭ ٷيٸ ماڭىنان كٶمٸلگەن كٷيدە تابىلعان.
قىلمىستان كەيٸن كٷدٸكتٸلەر پوليتسييا قىزمەتكەرلەرٸنٸڭ فورماسىن كيٸپ, ٸزٸن جاسىرۋعا تىرىسقان. الايدا ولاردى ٸزدەستٸرۋ بارىسىندا تەرتٸپ ساقشىلارى قولعا تٷسٸردٸ. قازٸرگٸ ۋاقىتتا ٸس بويىنشا تەرگەۋ جالعاسىپ جاتىر.
