Tailandtyń Nonthabýri provintsiiasyndaǵy mektepte bolǵan atys saldarynan keminde segiz adam qaza taýyp, 15 adam jaraqat aldy. Qaiǵyly oqiǵany toǵyzynshy synyp oqýshysy jasaǵan, dep habarlaidy ult.kz.
Politsiianyń málimetinshe, kúdikti mektepke barmas buryn óz úiinde atasy men ájesin atyp óltirgen. Keiin ol Nonthabýri provintsiiasynyń Bang-Krýai aýdanyndaǵy mektepke kelip, oqýshylar men muǵalimderge oq jaýdyrǵan.
Qaza tapqandar sany jóninde resmi organdar ártúrli málimet jariialady. Politsiianyń sońǵy aqparatyna sáikes, oqiǵa saldarynan kúdiktiniń ózi, onyń atasy men ájesi, úsh muǵalim jáne úsh oqýshy qaza tapqan. Al Tailandtyń Densaýlyq saqtaý ministrligi mektepte bes muǵalimniń qaza bolǵanyn málimdedi. Osylaisha, vedomstvonyń deregi boiynsha qurbandar sany segiz adamdy quraidy.
Jaralanǵandardyń ekeýiniń jaǵdaiy aýyr ekeni habarlandy. Oqiǵadan keiin mekteptiń barlyq oqýshysy men qyzmetkerleri evakýatsiialandy.
Politsiianyń aldyn ala málimetinshe, kúdikti 14 jasta bolǵan. Ol oqiǵa kezinde 9 millimetrlik tapanshany paidalanǵan. Keiin anyqtalǵandai, qarý atasynyki bolǵan. Tergeýshiler mektep oqýshysynyń qarýdy qalai alǵanyn anyqtap jatyr.
Reuters agenttiginiń málimetinshe, atystan keiin kúdikti ózine qol jumsaǵan.
Qazir oqiǵanyń barlyq mán-jaiy anyqtalyp jatyr.
