Tailandta 78 jastaǵy qazaqstandyq áiel sýǵa ketip, kóz jumdy. Oqiǵa Pattaiia provintsiiasynda bolǵan, dep habarlaidy QazAqparat.
«Tailandtaǵy jaǵdai boiynsha, qaiǵyly oqiǵa 26 qyrkúiekte tirkeldi. 78 jastaǵy qazaqstandyq azamat Pattaiia provintsiiasynda sýǵa ketken. Aldyn ala aqparat boiynsha, egde áiel sýǵa tunshyǵyp, kóz jumǵan. Alaida, biz meditsinalyq tekseristiń nátijesin kútip otyrmyz», - dedi QR SIM resmi ókili Aibek Smadiiarov ministrlikte ótken brifingte.
Onyń aitýynsha, egde áieldiń jary deneni krematsiialap, Qazaqstanǵa jetkizý týraly sheshim qabyldaǵan.
«Olar jergilikti ritýaldy kompaniiamen bailanysqa shyqqan. Jaǵdai baqylaýda», - dedi Aibek Smadiiarov.
