تايلاندتا 78 جاستاعى قازاقستاندىق ەيەل سۋعا كەتٸپ, كٶز جۇمدى. وقيعا پاتتاييا پروۆينتسيياسىندا بولعان, دەپ حابارلايدى قازاقپارات.
«تايلاندتاعى جاعداي بويىنشا, قايعىلى وقيعا 26 قىركٷيەكتە تٸركەلدٸ. 78 جاستاعى قازاقستاندىق ازامات پاتتاييا پروۆينتسيياسىندا سۋعا كەتكەن. الدىن الا اقپارات بويىنشا, ەگدە ەيەل سۋعا تۇنشىعىپ, كٶز جۇمعان. الايدا, بٸز مەديتسينالىق تەكسەرٸستٸڭ نەتيجەسٸن كٷتٸپ وتىرمىز», - دەدٸ قر سٸم رەسمي ٶكٸلٸ ايبەك سماديياروۆ مينيسترلٸكتە ٶتكەن بريفينگتە.
ونىڭ ايتۋىنشا, ەگدە ەيەلدٸڭ جارى دەنەنٸ كرەماتسييالاپ, قازاقستانعا جەتكٸزۋ تۋرالى شەشٸم قابىلداعان.
«ولار جەرگٸلٸكتٸ ريتۋالدى كومپانييامەن بايلانىسقا شىققان. جاعداي باقىلاۋدا», - دەدٸ ايبەك سماديياروۆ.
