Qazaqstan Respýblikasynyń Balalar quqyǵy jónindegi ýákili Arýjan Sain elde qalyptasqan jaǵdaiǵa bailanysty ana-analarǵa eskertý jasady, dep habarlaidy QazAqparat.
«Búgin Almatydaǵy jappai tártipsizdikter kezinde 4 jasar balanyń oq tiip, kóz jumǵany týraly aqparattyń naqtylyǵyn surap habarlasqan adamdar kóp boldy. Sondyqtan men túrli aqparat kózderine habarlasyp, oqiǵanyń mán-jaiyn bildim. 7 qańtar kúni Seifýllin kóshesiniń boiymen kele jatqan mashinaǵa oq atylǵan. Kólikte úlkendermen bolǵan balaǵa oq tiyp, kóz jumǵan. Sondyqtan mpen barlyq ata-analarǵa, almatylyqtarǵa barynsha saq bolý kerektigin eskertkim keledi. Balalaryńyzdy qaraýsyz, jalǵyz qaldyrmańyzdar», - dedi Balalar quqyǵy jónindegi ýákil.
Eske salsaq, 5 qańtar kúni Almatyda oq jaraqatynan bala qaitys boldy. Ata-analary balalarmen serýendep qaityp kele jatqanda oq atylyp, 11 jastaǵy bala qaza tapty.
