قازاقستان رەسپۋبليكاسىنىڭ بالالار قۇقىعى جٶنٸندەگٸ ۋەكٸلٸ ارۋجان ساين ەلدە قالىپتاسقان جاعدايعا بايلانىستى انا-انالارعا ەسكەرتۋ جاسادى, دەپ حابارلايدى قازاقپارات.
«بٷگٸن الماتىداعى جاپپاي تەرتٸپسٸزدٸكتەر كەزٸندە 4 جاسار بالانىڭ وق تيٸپ, كٶز جۇمعانى تۋرالى اقپاراتتىڭ ناقتىلىعىن سۇراپ حابارلاسقان ادامدار كٶپ بولدى. سوندىقتان مەن تٷرلٸ اقپارات كٶزدەرٸنە حابارلاسىپ, وقيعانىڭ مەن-جايىن بٸلدٸم. 7 قاڭتار كٷنٸ سەيفۋللين كٶشەسٸنٸڭ بويىمەن كەلە جاتقان ماشيناعا وق اتىلعان. كٶلٸكتە ٷلكەندەرمەن بولعان بالاعا وق تيىپ, كٶز جۇمعان. سوندىقتان مپەن بارلىق اتا-انالارعا, الماتىلىقتارعا بارىنشا ساق بولۋ كەرەكتٸگٸن ەسكەرتكٸم كەلەدٸ. بالالارىڭىزدى قاراۋسىز, جالعىز قالدىرماڭىزدار», - دەدٸ بالالار قۇقىعى جٶنٸندەگٸ ۋەكٸل.
ەسكە سالساق, 5 قاڭتار كٷنٸ الماتىدا وق جاراقاتىنان بالا قايتىس بولدى. اتا-انالارى بالالارمەن سەرۋەندەپ قايتىپ كەلە جاتقاندا وق اتىلىپ, 11 جاستاعى بالا قازا تاپتى.
