كاسپيي تەڭٸزٸندە بولعان قايعىلى جاعدايدان امان قالعان سارباز اقجول تەمەرحاننىڭ اناسى سامال كەۋەلوۆا ۇلى مەن قازا تاپقان سارباز ازاماتتىڭ اراسىنداعى دوستىق تۋرالى ەسەرلٸ جازبا جارييالادى, دەپ حابارلايدى ult.kz.

سامال كەۋەلوۆانىڭ ايتۋىنشا, اۋىر جاراقات العان اقجول اۋرۋحاناعا جەتكٸزٸلگەن سەتتە دە قازا تاپقان دوسىنىڭ بەرەتٸن قولىنان بٸر سەتكە بوساتپاعان. ول جەدەل جەردەم كٶلٸگٸندە دە, اۋرۋحانانىڭ قابىلداۋ بٶلٸمٸندە دە بەرەتتٸ ٶزٸندە ۇستاپ وتىرعان.

“بۇل – ازاماتتٸكٸ. ٶزٸم بەرەمٸن, بەرمەيمٸن…” – دەپ اقجول دوسىنىڭ زاتىن ەشكٸمگە بەرگٸسٸ كەلمەگەن.

اناسىنىڭ جازۋىنشا, بۇل كٶرٸنٸس مەديتسينا قىزمەتكەرلەرٸن دە بەيجاي قالدىرماعان. دەرٸگەرلەر مەن فەلدشەرلەر سول سەتتٸ كٶزٸنە جاس الىپ ەسكە تٷسٸرگەن.

“اناليز دە الا المادىق. بەرەتتٸ سيپاپ وتىرىپ, بەرٸمٸزدٸ جىلاتتى”, – دەگەن مەديتسينا قىزمەتكەرلەرٸ.

سامال كەۋەلوۆا ۇلىنىڭ باسىنان ٶتكەن وسى بٸر سەتتٸ شىنايى دوستىق پەن ادالدىقتىڭ كٶرٸنٸسٸ دەپ باعالادى. ونىڭ ايتۋىنشا, ول پەرزەنتتەرٸنە ەردايىم ٶمٸر جولىندا ادال دوس كەزدەسۋٸن تٸلەپ كەلگەن.

ال اقجولدىڭ قازا تاپقان جولداسىنىڭ بەرەتٸن قولىنان شىعارماي, اۋرۋحاناعا دەيٸن الىپ كەلۋٸ انا ٷشٸن دوستىقتىڭ سٶزبەن ايتىپ جەتكٸزۋ قيىن بەلگٸسٸنە اينالعان.

ول ۇلىنىڭ قولىنداعى بەرەت ەندٸ جاي عانا ەسكەري باس كيٸم ەمەس, ەكٸ ساربازدىڭ اراسىنداعى ادال دوستىقتىڭ ەستەلٸگٸ بولىپ قالعانىن جەتكٸزدٸ.

2026 جىلعى 24 قىركٷيەكتە كاسپيي تەڭٸزٸندە ەسكەري وقۋ-جاتتىعۋ كەزٸندە قايعىلى وقيعا بولدى. 14 سارباز قازا تاۋىپ, ٷشەۋٸ امان قالدى.

وقيعا قالاي بولعان?

ماڭعىستاۋ وبلىسىندا ەسكەري قىزمەتشٸلەر تەڭٸزدە وقۋ-جاتتىعۋ ٶتكٸزٸپ جاتقان. سول كەزدە اۋا رايى كٷرت بۇزىلىپ, قاتتى جەل سوققان.

سالدارىنان 17 ەسكەري قىزمەتشٸنٸ تەڭٸزگە اعىزىپ ەكەتكەن. ولاردىڭ 14-ٸ قازا تاۋىپ, ٷشەۋٸ قۇتقارىلدى.

اقجول قالاي امان قالعان?

19 جاستاعى سارباز اقجول تەمەرحان تەڭٸزدە دوسى ازاماتپەن بٸرگە بولعان.

ەكەسٸنٸڭ ايتۋىنشا, اقجول سۋعا كەتكەن دوسىن شامامەن جارتى ساعات ٸزدەگەن. الايدا سۋ جۇتىپ, باسى اينالعان سوڭ جاعاعا ٶز كٷشٸمەن جٷزٸپ شىققان.

ول اۋرۋحاناعا اۋىر جاعدايدا جەتكٸزٸلگەن. قولىندا قازا تاپقان دوسى ازاماتتىڭ بەرەتٸ بولعان. اقجول ونى ەشكٸمگە بەرگٸسٸ كەلمەگەن.

وقيعادان كەيٸن نە بولدى?

قايعىلى جاعدايعا بايلانىستى ەكٸ قىلمىستىق ٸس قوزعالدى. قورعانىس مينيسترلٸگٸ جٷيەسٸنٸڭ بەس لاۋازىمدى قىزمەتكەرٸ كٷدٸكتٸ رەتٸندە ۇستالدى.

27 قىركٷيەكتە قورعانىس مينيسترٸ دەۋرەن قوسانوۆ قىزمەتٸنەن بوساتىلدى.

سوڭعى مەلٸمەت بويىنشا, اقجول امان قالىپ, ەمدەلگەننەن كەيٸن مەرزٸمدٸ ەسكەري قىزمەتٸن اياقتاعان.