Foto: ashyq derekkóz
Petropavlda kelisimshart boiynsha qyzmet etken áskeri qyzmetker asylyp ólgen kúiinde tabyldy, dep habarlaidy "Ult aqparat".
Soltústik Qazaqstan oblysy qorǵanys isteri departamentiniń baspasóz qyzmetiniń málimetine sensek, 21 qyrkúiekte Petropavldaǵy úilerdiń biriniń jertólesinen qorǵanys isteri departamentimen kelisimshart boiynsha áskeri qyzmetkerdiń máiiti tabyldy.
Baspasóz qyzmeti qaiǵyly oqiǵa jumystan tys ýaqytta bolǵanyn atap ótti.
"Aldyn ala derekter boiynsha kelisimsharttaǵy áskeri adam otbasylyq janjal saldarynan óz-ózine qol jumsaǵan. Onyń sebepteri men mán-jaiy anyqtalyp jatyr. Atalǵan fakti boiynsha qylmystyq is qozǵaldy", – delingen baspasóz habarlamasynda.
Ishki ister ministrliginiń áskeri tergeý basqarmasy ortalyq óńirlik qarýly kúshterine qarasty Petropavl tobynyń Qylmystyq kodekstiń 105-baby ("Ózin-ózi óltirýge itermeleý") boiynsha sotqa deiingi tergeýdi bastaǵanyn habarlady.
"Óz-ózine qol jumsaý týraly hat bar", – dep habarlaidy áskeriler.
Bul týraly Ishki ister ministrliginiń tergeý basqarmasy habarlady. Beiresmi derekterde marqumnyń kishi serjant sheni bolǵany aityldy.
Aita keteiik, 19 qyrkúiekte Abai oblysyndaǵy Aiagóz garnizonyń áskeri qyzmetkeri kóz jumǵany belgili boldy. Al sodan eki kún buryn Almatyda áskeri qyzmetshi tapanshadan jaraqat alǵan.
