Elbasy Nursultan Nazarbaevtyń bastamasymen qurylǵan «Birgemiz» qoǵamdyq qory Qamqorshylyq keńesiniń otyrysynda tótenshe jaǵdai kezinde turǵyndardyń áleýmettik jaǵynan álsiz toptaryna odan ári kómek kórsetý tetikteri talqylandy, dep habarlaidy "Ult aqparat" nurotan.kz saityna silteme jasap.
Jiynǵa oblys ákimderiniń orynbasarlary, partiia filialy tóraǵalarynyń birinshi orynbasarlary jáne «Birgemiz» aimaqtyq qorlarynyń basshylary onlain-rejiminde qatysty.
Qordyń Qamqorshylyq keńesiniń tóraǵasy Baýyrjan Baibek Tuńǵysh Prezident Nursultan Nazarbaevtyń tapsyrmasymen, Memleket basshysy Qasym-Jomart Toqaev qolǵa alǵan aýqymdy qoldaý sharalaryna qosymsha búginge deiin 152 myńnan astam otbasyǵa 50 myń teńgeden birjolǵy kómek kórsetilgenin atap ótti.
«Partiia Tóraǵasy osy baǵyttaǵy jumysty ary qarai jalǵastyryp, qoldaý sharalarynyń ekinshi kezeńin mamyr aiynyń basynda ótkizýdi tapsyrdy. 23 qalada 50 000 teńge kólemindegi birjolǵy tólem buryn kómek almaǵan 210 myń muqtaj otbasyna qoldaý retinde beriledi. Otbasylyq koeffitsientti eskersek, osy joly beriletin kómek 1 millionǵa jýyq adamdy qamtymaq. Biz muny júzege asyrý algoritmin jasap qoidyq. Óńirlerde qajetti infraqurylym – jedel shtab jáne aimaqtyq qorlar quryldy. Jaýapty basshylar men atqarýshy menedjerler bekitildi. Ekinshi deńgeidegi banktermen ózara is-qimyl jolǵa qoiyldy. Qazirgi tańda kásipkerler Qordyń ashyq ta aiqyn qyzmetine kóz jetkizip, Qorǵa qaiyrymdylyq kómek aýdarýǵa niettilerdiń qatary artyp keledi», - dedi Baýyrjan Baibek.
Sonymen qatar, Nur Otan partiiasy Tóraǵasynyń birinshi orynbasary jiynǵa qatysýshylarǵa birinshi kezeń barysynda anyqtalǵan kemshilikterge, onyń ishinde birqatar óńirlerde muqtaj adamdardyń tizimderin jasaýda ketken olqylyqtarǵa osy joly basa mán berýdi tapsyrdy.
«Tizimge shynynda kómekke muqtaj, materialdyq jaǵdaiy tómen azamattar ǵana enýi kerek. Qordyń resýrstary shekteýli. Sondai-aq, biz azamattar «Birgemiz» qorynan 50 myń teńge aýdarylǵany týraly SMS-habarlama alyp, biraq is júzinde kartalaryna aqsha túspegen jaǵdaidy da anyqtadyq. Temirtaýda osyndai 11, Qyzylordada – 10, Qostanaida – 9, Kókshetaýda – 7, Semeide – 2 jaǵdai oryn alǵan. Partiianyń aimaqtyq filialdarynyń jetekshileri azamattarǵa qarjynyń túsýine monitoring júrgizip, týyndaǵan máselelerdi tez arada sheshýi qajet. Jalpy, kómek alýshylardyń tizimin ákimdikter jasaitynyn taǵy da bir ret basa aityp ótkim keledi. Bul – sizderdiń jaýapkershilikterińizdegi jumys. Eger azamattar sizderge ótinish jasasa, bastaryńyzdy alyp qashpai, olardyń máselelerin jergilikti jerde sheshińizder. Osyndai faktiler anyqtalǵan jaǵdaida, Partiialyq baqylaý komiteti tekserip, partiianyń mundai múshelerine qoldanylatyn tiisti sharalar jóninde usynystar ázirleýi kerek. Jaýapkershilik alyp, qarapaiym adamdardyń máselelerine «qulaq asýǵa» jáne sheshýge daiyn emes sheneýnikterge qatysty Memleket basshysynyń tiisti nusqaýy bar», - dedi Baýyrjan Baibek.
Aita keteiik, «Birgemiz qorynyń aiasynda keshe Jas Otan eriktileri Nur-Sultan, Almaty jáne Shymkent qalalaryndaǵy 100 myńnan astam áleýmettik osal otbasylarǵa 5 million qorǵanys maskalaryn tegin jetkizýdi bastady. Qazirdiń ózinde búkil el boiynsha 60 myńnan astam muqtaj otbasy azyq-túlik sebetteri men birinshi kezekte qajetti taýarlarmen qamtamasyz etildi. Indetke qarsy is-sharalarǵa jumyldyrylǵan 2 myńnan astam meditsina qyzmetkeri qordan 50 myń teńgeden aldy.
.jpeg)