Qazaqstandyq taekvondoshy Jansel Deniz halyqaralyq týrnirdiń jeńimpazy atandy, dep habarlaidy QazAqparat.
Atyraý oblystyq sport jáne dene shynyqtyrý basqarmasynyń baspasóz qyzmetinen málim etkendei, 16-17 qazanda Chernogoriianyń astanasy – Podgoritsada «Montenegro Podgorica Open 2021» halyqaralyq týrniri ótken.
«Halyqaralyq G-1 deńgeiindegi reiting týrnirine álem elderinen 200-den astam sportshy qatysty. Qazaqstannyń namysyn qorǵaǵan taekvondoshylar qatarynda Jansel Deniz de bar. Ol jarysty ekinshi ainalymnan bastap, 73 kelige deiingi salmaqta baq synady. Aldymen Moldova, keiin Braziliia sportshysyn qapy qaldyrdy. Aqtyq synda Túrkiia taekvondoshysymen kezdesti. Qosymsha raýndta qarsylasyn 2:0 esebimen jeńgen otandasymyz týrnirdiń jeńimpazy atanyp, altyn medaldy ielendi», - dep habarlady basqarmanyń baspasóz qyzmeti.
