Qazaqstan Ulttyq banki 2022 jyldyń birinshi toqsan qorytyndysy boiynsha tólem balansynyń aldyn ala baǵalaýyn qalyptastyrdy.
2022 jyldyń birinshi toqsanynda aǵymdaǵy shot 2,2 mlrd AQSh dollary mólsherinde profitsitpen qalyptasty (2021 jyldyń 1-toqsanynda aǵymdaǵy shottyń defitsiti 1,6 mlrd AQSh dollaryn qurady).
Aǵymdaǵy shottyń teris saldosynyń oń aimaqqa aýysýy saýda balansy jaǵdaiynyń jaqsarýymen bailanysty.
«Saýda balansynyń profitsiti 9,9 mlrd AQSh dollaryn qurap, ótken jyldyń osy kezeńimen salystyrǵanda 6,3 mlrd AQSh dollaryna ósti. Profitsittiń ósýi taýarlar eksportynyń importtan asyp túsetin ósý qarqynymen qamtamasyz etiledi.
Tólem balansy (TB) ádistemesi boiynsha taýarlar eksporty 7,6 mlrd AQSh dollaryna (+66,4%) ósip, 19,1 mlrd AQSh dollaryn qurady. Eksporttyń artýy eń aldymen munai men gaz kondensatynyń álemdik baǵasynyń ósýine bailanysty. Tólem balansynyń ádistemesi boiynsha taýarlar importy 1,3 mlrd AQSh dollaryna (+17,0%) ósip, 9,1 mlrd AQSh dollaryn qurady.
Tikelei sheteldik investorlardyń kirisi 2,5 mlrd AQSh dollaryna (+53,3%) ósip, 7,0 mlrd AQSh dollaryn qurady. Bul rette kapitalǵa qatysýdan túsken kiris 1,7 ese ósip, 6,4 mlrd AQSh dollaryn qurady. Tabystyń ósýi eksporttalatyn shikizatqa álemdik baǵanyń ósýimen de bailanysty», - delingen habarlamada.
