قازاقستان ۇلتتىق بانكٸ 2022 جىلدىڭ بٸرٸنشٸ توقسان قورىتىندىسى بويىنشا تٶلەم بالانسىنىڭ الدىن الا باعالاۋىن قالىپتاستىردى.
2022 جىلدىڭ بٸرٸنشٸ توقسانىندا اعىمداعى شوت 2,2 ملرد اقش دوللارى مٶلشەرٸندە پروفيتسيتپەن قالىپتاستى (2021 جىلدىڭ 1-توقسانىندا اعىمداعى شوتتىڭ دەفيتسيتٸ 1,6 ملرد اقش دوللارىن قۇرادى).
اعىمداعى شوتتىڭ تەرٸس سالدوسىنىڭ وڭ ايماققا اۋىسۋى ساۋدا بالانسى جاعدايىنىڭ جاقسارۋىمەن بايلانىستى.
«ساۋدا بالانسىنىڭ پروفيتسيتٸ 9,9 ملرد اقش دوللارىن قۇراپ, ٶتكەن جىلدىڭ وسى كەزەڭٸمەن سالىستىرعاندا 6,3 ملرد اقش دوللارىنا ٶستٸ. پروفيتسيتتٸڭ ٶسۋٸ تاۋارلار ەكسپورتىنىڭ يمپورتتان اسىپ تٷسەتٸن ٶسۋ قارقىنىمەن قامتاماسىز ەتٸلەدٸ.
تٶلەم بالانسى (تب) ەدٸستەمەسٸ بويىنشا تاۋارلار ەكسپورتى 7,6 ملرد اقش دوللارىنا (+66,4%) ٶسٸپ, 19,1 ملرد اقش دوللارىن قۇرادى. ەكسپورتتىڭ ارتۋى ەڭ الدىمەن مۇناي مەن گاز كوندەنساتىنىڭ ەلەمدٸك باعاسىنىڭ ٶسۋٸنە بايلانىستى. تٶلەم بالانسىنىڭ ەدٸستەمەسٸ بويىنشا تاۋارلار يمپورتى 1,3 ملرد اقش دوللارىنا (+17,0%) ٶسٸپ, 9,1 ملرد اقش دوللارىن قۇرادى.
تٸكەلەي شەتەلدٸك ينۆەستورلاردىڭ كٸرٸسٸ 2,5 ملرد اقش دوللارىنا (+53,3%) ٶسٸپ, 7,0 ملرد اقش دوللارىن قۇرادى. بۇل رەتتە كاپيتالعا قاتىسۋدان تٷسكەن كٸرٸس 1,7 ەسە ٶسٸپ, 6,4 ملرد اقش دوللارىن قۇرادى. تابىستىڭ ٶسۋٸ ەكسپورتتالاتىن شيكٸزاتقا ەلەمدٸك باعانىڭ ٶسۋٸمەن دە بايلانىستى», - دەلٸنگەن حابارلامادا.
