Bizge syrttaǵy otandastardy shapshań túrde elge qaitarýdyń baǵdarlamasyn qabyldap, sózden naqty iske kóshý kerek. Sóz kóp, is joq! Qurǵaq qujatpen, bos sóz!
Sany kóp, sapasy joǵary ult bolamyz desek, osy máseleni keshendi qalyptastyrý máselesin qarastyrý kerek. Basqa elde júrip, qarakóz qazaq basqa ultqa sińisip ketip jatyr.
Mysaly, kesheli-búgin Ózbekstanda qazaq sany 1,5 mln degen aqparat tarady. Shyny kerek, shylǵi ótirik. Bul elde qazaqtyń sany keminde 5 mln! Al durystap saraptasaq odan da kóp.
Qytaida 1 mln asady dep esepteledi. 2,5-3 mln-nan asady! Reseide 2,5 mln qazaq. Osy aǵaiynny barlyǵyn elimizge ákelýge eńbek etý kerek.
Al ol ne úshin kerek?
Geosaiasi, geoekonomikalyq tartystar jalǵasyn taba beretin bolady, on-jiyrma jyldan keiin basqa elderdiń territoriiasyna kóz alartý máselesi bolýy yqtimal. Jáne de bul protsess kádimgi "mádenietti" jolmen Birikken Ulttar Uiymynyń mandatymen is-júzine asýy yqtimal.
Al bizdegi otandastarmen jumys qalai júrip jatyr? Bul máselemen ainalysatyn "úni shyqpas", mońǵoldaǵy aǵaiynǵa baryp et jeitin, ózbekke baryp palaý jeitin, tórt jylda bir siez ótkizetin Dúniejúzi qazaqtar qaýymdastyǵy bar. Basqa da aty bar, zaty men naqty isi joq qorlar bar. Nátije joq.
Jumystary "Potemkin úileri"!
Qazaqty elge kóshirý máselesi "áleýmettik saiasattyń" eń negizgi joly, magistraly bolýy kerek!
Bizdiń elimizdiń ekonomikasynyń áleýetiniń artpai turǵanynyń negiizgi sebebi, ishki tutynym joq. Taýarǵa ishki tutyný bolmasa, eldiń ekonomikasy damýy múmkin emes. Tutynýdy kóbeitý úshin, halyqtyń sany kerek. Qarapaiym arifmetika.
Odan keiin, territoriiany meńgerip, igerý degen másele bar.
Qazaqstannyń halqy bir kilometrge shaqqanda alty adamnan astpaidy. Dúniedegi eń tómen kórsetkishterdiń biri. Bir jaǵymyzda aiý, ekinshi jaǵymyzda ajdaha otyr...
Erlan Sairovtyń feisbýktegi jazbasynan
