Qazaqstan Respýblikasy Syrtqy ister ministriniń birinshi orynbasary Shahrat Nuryshev Azyq-túlik qaýipsizdigi jónindegi islam uiymynyń (AQIU) bas direktory Erlan Baidaýletpen kezdesti, dep habarlaidy atalǵan vedomstvonyń baspasóz qyzmeti.
Kezdesý barysynda AQIU basshysy 28 qazanda Uiymnyń Atqarýshy keńesiniń ótken otyrysynyń qorytyndylary týraly habardar etti, sondai-aq 2-3 jeltoqsanda Ankarada ótetin AQIU Bas assambleiasynyń jyl saiynǵy 3-sessiiasynyń kún tártibimen tanystyrdy.
Taraptar AQIU-nyń birqatar flagmandyq baǵdarlamalary men jobalarynyń mazmunyna nazar aýdaryp, 27-28 qarashada Niamei qalasynda (Niger Respýblikasy) ótkizilýi josparlanǵan Islam yntymaqtastyq uiymǵa qatysýshy elderdiń Syrtqy ister ministrleri keńesiniń 47-shi sessiiasy kún tártibi týraly pikir almasty.
Azyq-túlik qaýipsizdigi jónindegi islam uiymy 2012 jyly Qazaqstan Respýblikasynyń Tuńǵysh Prezidenti – Elbasy Nursultan Nazarbaevtyń bastamasymen quryldy. Shtab-páteri Nur-Sultan qalasynda ornalasqan.
