قازاقستان رەسپۋبليكاسى سىرتقى ٸستەر مينيسترٸنٸڭ بٸرٸنشٸ ورىنباسارى شاحرات نۇرىشەۆ ازىق-تٷلٸك قاۋٸپسٸزدٸگٸ جٶنٸندەگٸ يسلام ۇيىمىنىڭ (اقيۇ) باس ديرەكتورى ەرلان بايداۋلەتپەن كەزدەستٸ, دەپ حابارلايدى اتالعان ۆەدومستۆونىڭ باسپاسٶز قىزمەتٸ.
كەزدەسۋ بارىسىندا اقيۇ باسشىسى 28 قازاندا ۇيىمنىڭ اتقارۋشى كەڭەسٸنٸڭ ٶتكەن وتىرىسىنىڭ قورىتىندىلارى تۋرالى حاباردار ەتتٸ, سونداي-اق 2-3 جەلتوقساندا انكارادا ٶتەتٸن اقيۇ باس اسسامبلەياسىنىڭ جىل سايىنعى 3-سەسسيياسىنىڭ كٷن تەرتٸبٸمەن تانىستىردى.
تاراپتار اقيۇ-نىڭ بٸرقاتار فلاگماندىق باعدارلامالارى مەن جوبالارىنىڭ مازمۇنىنا نازار اۋدارىپ, 27-28 قاراشادا نيامەي قالاسىندا (نيگەر رەسپۋبليكاسى) ٶتكٸزٸلۋٸ جوسپارلانعان يسلام ىنتىماقتاستىق ۇيىمعا قاتىسۋشى ەلدەردٸڭ سىرتقى ٸستەر مينيسترلەرٸ كەڭەسٸنٸڭ 47-شٸ سەسسيياسى كٷن تەرتٸبٸ تۋرالى پٸكٸر الماستى.
ازىق-تٷلٸك قاۋٸپسٸزدٸگٸ جٶنٸندەگٸ يسلام ۇيىمى 2012 جىلى قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى نۇرسۇلتان نازارباەۆتىڭ باستاماسىمەن قۇرىلدى. شتاب-پەتەرٸ نۇر-سۇلتان قالاسىندا ورنالاسقان.
