Syrtqy ister ministri Qairat Ábdirahmanov TúrkPA jáne Túrki akademiiasynyń basshylarymen kezdesti, dep habarlaidy "Ult aqparat" SIM baspasóz qyzmetine silteme jasap.
Ústimizdegi jylǵy qyrkúiek aiynda ótýi josparlanǵan Túrkitildes memleketter yntymaqtastyǵy keńesiniń (TMYK) 6-shy Sammitine daiyndyq jumystary aiasynda, Qazaqstan Syrtqy ister ministri Qairat Ábdirahmanov Túrkitildes memleketterdiń Parlamenttik Assambleiasynyń (TúrkPA) Bas hatshysy Altynbek Mamaiýsýpovpen jáne Halyqaralyq Túrki akademiiasynyń prezidenti Darhan Qydyrálimen kezdesý ótkizdi.
«Qazaqstan Prezidenti Nursultan Nazarbaev damýdyń jańa kezeńine shyqqan túrkitildes yntymaqtastyq máselelerine erekshe mán beredi. TúrkPA - túrkitildes elder integratsiiasynyń negizi bolyp tabylady jáne sońǵy jyldary túrkitildes elderdiń parlamentaralyq diplomatiiasynyń halyqaralyq deńgeide tanylǵan institýty boldy», - dedi kezdesý barysynda Q. Ábdirahmanov.
Ministrdiń aitýy boiynsha, BUU, Eýropa Keńesi Parlamenttik Assambleiasy, EQYU Parlamenttik Assambleiasy siiaqty halyqaralyq uiymdarmen TúrkPA yntymaqtastyq ornatý qajet.
A.Mamaiýsýpov TúrkPA-nyń jumysy jaily jáne uiymnyń 10-jyldyǵyn atap ótý jospary týraly habarlady. Atap aitqanda, TúrkPA basshysy ústimizdegi jyldyń kúzinde Túrkiiada ótetin Assambleianyń kelesi mereitoilyq Plenarlyq sessiiasyna daiyndyq is-sharalary júrgizilip jatqany týraly aitty.
«Túrki integratsiiasyn ilgeriletýge yqpal etý maqsatynda Uiymnyń Hatshylyǵy TúrkPA-ǵa múshe elderdiń zańnamalaryn bir qalyqpa keltirý boiynsha belsendi túrde jumys atqarýda. Qazaqstan - bizdiń halyqtarymyzdy jaqyndastyrý ideiasyn nasihattaýdyń bastamashysy jáne osy turǵyda Astana túrki áleminiń maqtanyshy ekeni aiqyn», - dedi TúrkPA-nyń Bas hatshysy.
Halyqaralyq Túrki Akademiiasynyń Prezidentimen kezdesý barysynda túrkitaný jáne jalpy túrki tarihyndaǵy zertteýlerdi odan ári keńeitý máseleleri talqylandy. Sonymen qatar, Akademiianyń institýtsionaldaý protsesin múmkindiginshe qysqa merzimde aiaqtaý qajettiligi atap ótildi.
D. Qydyráli Syrtqy ister ministrligine Akademiianyń qalyptasý protsesinde zor qoldaý kórsetip otyrǵany úshin alǵysyn bildire otyryp, Institýt TMYK 6-shi Sammitin ótkizýge laiyqty úlesin qosýǵa jáne ǵylymi-zertteý salasynda túrkitildes memleketter arasyndaǵy yntymaqtastyqty damytýdy jalǵastyrýǵa daiyn ekenindigin bildirdi.
.jpeg)