Búgin biz sybailas jemqorlyq taqyrybyn sóz etpekpiz. Iá, «adal eńbekpen mal izdemek — ol arly adamnyń isi» degen Abaidyń sózi jadymyzdan shyqqan emes. Alaida qoǵam dertine ainalǵan jemqorlyq jaiy áli kún kún tártibinen túsken emes. Bul máseleni túbegeili joiý maqsatanyda qanshama qarqyndy jumystar atqaryldy, tyń jobalar oilap tabyldy. Memleket qarjysyna qol sozǵan ákimqaralar men shendi sheneýnikter temir torǵa toǵytyldy. Jegen jazalandy, alǵan abaqtyǵa aidaldy.
Sońǵy úsh jyldyń ózinde sybailas jemqorlyqty meiilinshe azaitýǵa baǵyttalǵan alpystan astam zań qabyldandy. Bul rette «Sybailas jemqorlyqqa qarsy is-qimyl týraly», «Qazaqstan Respýblikasynyń memlekettik qyzmet týraly», «Qoǵamdyq keńester týraly», «Aqparatqa qoljetimdilik týraly» Zańdardy atap ótýge bolady.
Iske asyp jatqan júieli jumystar nátijesinde, turmystyq sybailas jemqorlyq azaiyp, sybailas jemqorlyq qaterleri, ákimshilik kedergiler tómendedi jáne de memlekettik qyzmet kórsetý sapasy artyp, qoǵam aldynda ashyq memleketke ainala bastadyq.
Sondai-aq, úkimettik emes uiymdarmen áriptestik ornatylyp, ashyq dialogtar arta tústi. Eń bastysy, quqyqtyq sana qalyptasyp, sybailas jemqorlyqqa qarsy mádeniet kóterildi. Buǵan dálel retinde halyqtyń memlekettimizdiń sybailas jemqorlyqqa qarsy saiasatyna degen senim deńgeiin arta bastaǵanyn aitýǵa bolady.
Ótken jylǵy Elbasy joldaýynda bul másele nazardan tys qalmady. «Sybailas jemqorlyqtan ada óńirler» jobalary aiasynda elordanyń jemqorlyqqa qarsy strategiiany júzege asyrý jónindegi tájiribesin taratý kerek» dep, qadap aitty Nursultan Ábishuly.
Ile-shala Elbasynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýyn júzege asyrý maqsatynda «Sybailas jemqorlyqtan ada óńirler» - «Adaldyq alańy» jobalary jumys istei bastady.
Qazaqstan Respýblikasynyń Memlekettik qyzmet isteri jáne sybailas jemqorlyqqa qarsy is-qimyl agenttigi bul jobaǵa bilek sybana kirisip ketti. Ár óńirden arnaiy keńseler ashyp, adaldyq alańdaryn qura bastady.
«Sybailas jemqorlyqtan ada óńirler» - «Adaldyq alańy»» jobasynyń negizgi maqsaty - qoǵam sanasyn transformatsiialaý, turmystyq sybailas jemqorlyqty túbegeili joiý, qoǵamnyń memlekettik organdarǵa senimin arttyra otyryp, jemqorlyq máselesin memlekettik qyzmet kórsetý sapasyn arttyrý arqyly sheshý.
Eger, turmystyq jemqorlyqty joiyp, memlekettik organdar qyzmetiniń ashyqtyǵyn qamtamasyz etilse, halyqtyń kúdigi seiilip, ádilet pen adaldyqqa degen ishki senim kúsheie túspek.
Jobalar memlekettik apparattyń jumys filosofiiasyn qoǵamnyń qajettilikteri men úmitterine maksimaldy túrde baǵyttai otyryp, ózgertedi.
Eń bastysy sybailas jemqorlyqpen kúresý máselesinde qoǵamnyń quqyqtyq saýatyn arttyryp, quqyqty túsindirý jumystarynyń deńgeiin jaqsartý qajet. Halyq óz quqyǵyn, ózine qarsy qandai da bir zańsyz is-áreket jasalǵan jaǵdaida ne isteý kerektigin bilýi kerek.
Dál mundai emdelýi qiyn dertten qutylýdyń eń tiimdi joly erte aldyn alý hám tiimdi diagnostika. Iaǵni, «aýyryp em izdegenshe, aýyrmaityn jol izde» degen halyq dalaǵy tilge oralady.
Memlekettiń sybailas jemqorlyqqa qarsy saiasatynyń basty ereksheligi - máseleniń aldyn alýǵa áreket etý. Búginde bastapqy eskertý institýttary engizile bastady. Atap aitsaq, jemqorlyqqa qarsy monitoring jasaý jáne de anyqtaý, taldaý jáne sybailas jemqorlyq táýekelderin birjola joiý. Munyń bári óz nátijesin berse, kózdegen maqsattyń oryndalǵany.
Bizdiń qoǵam jańǵyrýdyń jańa jolyn tańdap, zaman juqtarǵan túrli keselderden aiyǵýdy mindet etip, bolashaqqa qadam basty. Endeshe, Elbasy Nursultan Nazarbaevtyń bastaýymen alǵa qoiylǵan sybailas jemqorlyqpen kúres joly - barshaǵa ortaq jol bolýy tiis.
Sol sebepti, sybailas jemqorlyqpen kúresý barsha el azamattarynyń borysh-paryzy, ortaq mindeti bolýy qajet.
.jpeg)