Sybailas jemqorlyqqa qarsy is-qimyl agenttigi Strategiia jáne jedel basqarý departamentiniń basshysy Nurlan Jaqsymbetov 1424 Call ortalyǵy qyzmetiniń biylǵy 10 aiyndaǵy qorytyndysyn jariialady, dep habarlaidy "Ult aqparat".
«Sońǵy ýaqytta óz jumysyn táýlik boiy júzege asyratyn Sybailas jemqorlyqqa qarsy qyzmettiń Call-ortalyǵy úlken senimge ie bolyp otyr. Osy oraida biylǵy10 aiynda Call-ortalyqqa 25 myńnan astam qońyraý shalyndy, bul olardyń ótken jylǵy sanynan 12 paiyzǵa artyq (22 284). Onyń ishinde 5,3 myńǵa jýyq qońyraýdyń mańyzy Sybailas jemqorlyqqa qarsy qyzmettiń quzyretine jatady», - dedi N. Jausymbetov onlain brifingide.
Onyń aitýynsha, sybailas jemqorlyq faktileri 806 ótinishti qamtidy, onyń ishinde 633 ótinish bastapqy tekserý aiasynda qaralady. Sonymen qatar, 75 ótinish nemese qylmystyq quqyq buzýshylyq belgileri bar 11 paiyzy boiynsha sotqa deiingi tergeý júrgizildi, olardyń nátijeleri boiynsha 13 aiyptaý úkimimen 21 qylmystyq is sotqa joldandy.
«Almaty qalasy Medeý aýdandyq sotynyń úkimimen Politsiia basqarmasynyń anyqtaýshysy qylmystyq isti toqtatqany úshin 26 800 AQSh dollary somasynda para alǵany úshin kináli dep tanyldy. Ol ótinish berýshi Call-ortalyqqa júgingennen keiin ustaldy», - dedi departament basshysy.
Onyń sózine qaraǵanda, shaǵymdar politsiia qyzmetkerleriniń (232), jergilikti atqarýshy organdar qyzmetkerleriniń (153), bilim berý (158) jáne densaýlyq saqtaý (136) qyzmetkerleriniń jáne basqa da salalar ókilderiniń áreketterine kelip túsedi.
«Ótinishterdiń kópshiligin qylmystyq jáne ákimshilik jaýapkershilikke tartylmaǵany, kedergisiz júrip ótkeni, sondai-aq anyqtamalar, júrgizýshi kýálikteri, diplomdar bergeni, múgedektikti, járdemaqylardy resimdegeni, jumysqa ornalastyrǵany jáne basqa jaǵdailar boiynsha parany qorqytyp alý faktilerin quraidy. Óńirler bólinisinde ótinishpen júgingender sany boiynsha ońtústik jáne ortalyq óńirler kósh bastap keledi. Osy oraida Túrkistan oblysy (102), Almaty qalasy (86), Almaty oblysy (85), Shymkent qalasy (45), Qaraǵandy oblysy (44), Nur-Sultan qalasy (43) jáne Jambyl oblystary (42)», - dep túsindirdi agenttik ókili.
