سىبايلاس جەمقورلىققا قارسى ٸس-قيمىل اگەنتتٸگٸ ستراتەگييا جەنە جەدەل باسقارۋ دەپارتامەنتٸنٸڭ باسشىسى نۇرلان جاقسىمبەتوۆ 1424 Call ورتالىعى قىزمەتٸنٸڭ بيىلعى 10 ايىنداعى قورىتىندىسىن جارييالادى, دەپ حابارلايدى "ۇلت اقپارات".
«سوڭعى ۋاقىتتا ٶز جۇمىسىن تەۋلٸك بويى جٷزەگە اسىراتىن سىبايلاس جەمقورلىققا قارسى قىزمەتتٸڭ Call-ورتالىعى ٷلكەن سەنٸمگە يە بولىپ وتىر. وسى ورايدا بيىلعى10 ايىندا Call-ورتالىققا 25 مىڭنان استام قوڭىراۋ شالىندى, بۇل ولاردىڭ ٶتكەن جىلعى سانىنان 12 پايىزعا ارتىق (22 284). ونىڭ ٸشٸندە 5,3 مىڭعا جۋىق قوڭىراۋدىڭ ماڭىزى سىبايلاس جەمقورلىققا قارسى قىزمەتتٸڭ قۇزىرەتٸنە جاتادى», - دەدٸ ن. جاۇسىمبەتوۆ ونلاين بريفينگٸدە.
ونىڭ ايتۋىنشا, سىبايلاس جەمقورلىق فاكتٸلەرٸ 806 ٶتٸنٸشتٸ قامتيدى, ونىڭ ٸشٸندە 633 ٶتٸنٸش باستاپقى تەكسەرۋ اياسىندا قارالادى. سونىمەن قاتار, 75 ٶتٸنٸش نەمەسە قىلمىستىق قۇقىق بۇزۋشىلىق بەلگٸلەرٸ بار 11 پايىزى بويىنشا سوتقا دەيٸنگٸ تەرگەۋ جٷرگٸزٸلدٸ, ولاردىڭ نەتيجەلەرٸ بويىنشا 13 ايىپتاۋ ٷكٸمٸمەن 21 قىلمىستىق ٸس سوتقا جولداندى.
«الماتى قالاسى مەدەۋ اۋداندىق سوتىنىڭ ٷكٸمٸمەن پوليتسييا باسقارماسىنىڭ انىقتاۋشىسى قىلمىستىق ٸستٸ توقتاتقانى ٷشٸن 26 800 اقش دوللارى سوماسىندا پارا العانى ٷشٸن كٸنەلٸ دەپ تانىلدى. ول ٶتٸنٸش بەرۋشٸ Call-ورتالىققا جٷگٸنگەننەن كەيٸن ۇستالدى», - دەدٸ دەپارتامەنت باسشىسى.
ونىڭ سٶزٸنە قاراعاندا, شاعىمدار پوليتسييا قىزمەتكەرلەرٸنٸڭ (232), جەرگٸلٸكتٸ اتقارۋشى ورگاندار قىزمەتكەرلەرٸنٸڭ (153), بٸلٸم بەرۋ (158) جەنە دەنساۋلىق ساقتاۋ (136) قىزمەتكەرلەرٸنٸڭ جەنە باسقا دا سالالار ٶكٸلدەرٸنٸڭ ەرەكەتتەرٸنە كەلٸپ تٷسەدٸ.
«ٶتٸنٸشتەردٸڭ كٶپشٸلٸگٸن قىلمىستىق جەنە ەكٸمشٸلٸك جاۋاپكەرشٸلٸككە تارتىلماعانى, كەدەرگٸسٸز جٷرٸپ ٶتكەنٸ, سونداي-اق انىقتامالار, جٷرگٸزۋشٸ كۋەلٸكتەرٸ, ديپلومدار بەرگەنٸ, مٷگەدەكتٸكتٸ, جەردەماقىلاردى رەسٸمدەگەنٸ, جۇمىسقا ورنالاستىرعانى جەنە باسقا جاعدايلار بويىنشا پارانى قورقىتىپ الۋ فاكتٸلەرٸن قۇرايدى. ٶڭٸرلەر بٶلٸنٸسٸندە ٶتٸنٸشپەن جٷگٸنگەندەر سانى بويىنشا وڭتٷستٸك جەنە ورتالىق ٶڭٸرلەر كٶش باستاپ كەلەدٸ. وسى ورايدا تٷركٸستان وبلىسى (102), الماتى قالاسى (86), الماتى وبلىسى (85), شىمكەنت قالاسى (45), قاراعاندى وبلىسى (44), نۇر-سۇلتان قالاسى (43) جەنە جامبىل وبلىستارى (42)», - دەپ تٷسٸندٸردٸ اگەنتتٸك ٶكٸلٸ.
