QR Sybailas jemqorlyqqa qarsy is-qimyl agenttigi, «Adaldyq alańy» jáne arnaiy monitoring tobynyń músheleri «SQ-Farmatsiia» JShS Nur-Sultan, Almaty, Shymkent jáne Aqtóbe qalalaryndaǵy qoimalaryna tekserý júrgizdi, dep habarlaidy "Ult aqparat".
Vedomstvo málimetinshe, tekserý barysynda atalǵan qoimalarda Covid-19 emdeý hattamasynda qoldanylatyn meditsinalyq preparattar jetkilikti kólemde anyqtalǵan. Sondyqtan agenttik Katardan kelgen gýmanitarlyq kómekti qoimadan Pavlodar oblystyq aýrýhanasyna berý protsesin tekseredi. Gýmanitarlyq kómek jeke qorǵanys quraldary túrinde berilgen.
Agenttiktiń Shymkent qalalyq departamenti Qytai Halyq Respýblikasynyń gýmanitarlyq kómeginiń qaladaǵy meditsinalyq mekemelerde bólinýin qadaǵalaidy. Oblystyq departament meditsinalyq preparattar bar qoimalardy tekseredi.
«Sondai-aq, Qytai Halyq Respýblikasy men Resei Federatsiiasynan kelgen gýmanitarlyq júk Aqtóbe oblysyna túsken. Ony bólý kezeńin Sybailas jemqorlyqqa qarsy qyzmet ókilderi baqylaýǵa alyp otyr. Olar meditsinalyq kózildirikter, meditsinalyq qorǵanys kostiýmderi, hirýrgiialyq qolǵaptar, termometrler jáne basqa da qorǵanys quraldary», - dep atap ótedi vedomstvodan.
Mańǵystaý oblysyna da Birikken Arab Ámirlikterinen virýstan qorǵaný quraldary túrindegi gýmanitarlyq kómek jetti. Osyǵan orai oblys ákimdigi meditsinalyq quraldardy bólýdi baqylaý boiynsha arnaiy komissiia quryp otyr. Arnaiy komissiianyń quramynda agenttiktiń «Adaldyq alańynyń» músheleri bar.
«Gýmanitarlyq júkti baqylaý jáne jetkizý boiynsha mundai jumystar elimizdiń barlyq óńirlerinde júrgizilýde», - dep atap ótedi agenttikten.
