قر سىبايلاس جەمقورلىققا قارسى ٸس-قيمىل اگەنتتٸگٸ, «ادالدىق الاڭى» جەنە ارنايى مونيتورينگ توبىنىڭ مٷشەلەرٸ «سق-فارماتسييا» جشس نۇر-سۇلتان, الماتى, شىمكەنت جەنە اقتٶبە قالالارىنداعى قويمالارىنا تەكسەرۋ جٷرگٸزدٸ, دەپ حابارلايدى "ۇلت اقپارات".
ۆەدومستۆو مەلٸمەتٸنشە, تەكسەرۋ بارىسىندا اتالعان قويمالاردا Covid-19 ەمدەۋ حاتتاماسىندا قولدانىلاتىن مەديتسينالىق پرەپاراتتار جەتكٸلٸكتٸ كٶلەمدە انىقتالعان. سوندىقتان اگەنتتٸك كاتاردان كەلگەن گۋمانيتارلىق كٶمەكتٸ قويمادان پاۆلودار وبلىستىق اۋرۋحاناسىنا بەرۋ پروتسەسٸن تەكسەرەدٸ. گۋمانيتارلىق كٶمەك جەكە قورعانىس قۇرالدارى تٷرٸندە بەرٸلگەن.
اگەنتتٸكتٸڭ شىمكەنت قالالىق دەپارتامەنتٸ قىتاي حالىق رەسپۋبليكاسىنىڭ گۋمانيتارلىق كٶمەگٸنٸڭ قالاداعى مەديتسينالىق مەكەمەلەردە بٶلٸنۋٸن قاداعالايدى. وبلىستىق دەپارتامەنت مەديتسينالىق پرەپاراتتار بار قويمالاردى تەكسەرەدٸ.
«سونداي-اق, قىتاي حالىق رەسپۋبليكاسى مەن رەسەي فەدەراتسيياسىنان كەلگەن گۋمانيتارلىق جٷك اقتٶبە وبلىسىنا تٷسكەن. ونى بٶلۋ كەزەڭٸن سىبايلاس جەمقورلىققا قارسى قىزمەت ٶكٸلدەرٸ باقىلاۋعا الىپ وتىر. ولار مەديتسينالىق كٶزٸلدٸرٸكتەر, مەديتسينالىق قورعانىس كوستيۋمدەرٸ, حيرۋرگييالىق قولعاپتار, تەرمومەترلەر جەنە باسقا دا قورعانىس قۇرالدارى», - دەپ اتاپ ٶتەدٸ ۆەدومستۆودان.
ماڭعىستاۋ وبلىسىنا دا بٸرٸككەن اراب ەمٸرلٸكتەرٸنەن ۆيرۋستان قورعانۋ قۇرالدارى تٷرٸندەگٸ گۋمانيتارلىق كٶمەك جەتتٸ. وسىعان وراي وبلىس ەكٸمدٸگٸ مەديتسينالىق قۇرالداردى بٶلۋدٸ باقىلاۋ بويىنشا ارنايى كوميسسييا قۇرىپ وتىر. ارنايى كوميسسييانىڭ قۇرامىندا اگەنتتٸكتٸڭ «ادالدىق الاڭىنىڭ» مٷشەلەرٸ بار.
«گۋمانيتارلىق جٷكتٸ باقىلاۋ جەنە جەتكٸزۋ بويىنشا مۇنداي جۇمىستار ەلٸمٸزدٸڭ بارلىق ٶڭٸرلەرٸندە جٷرگٸزٸلۋدە», - دەپ اتاپ ٶتەدٸ اگەنتتٸكتەن.
