«AntikorLive» -parasattylyq ideologiiasyn túsindirýge jáne qoǵamda sybailas jemqorlyqqa qarsy mádenietti qalyptastyrýǵa arnalǵan onlain-alań. Bul týraly QR Sybailas jemqorlyqqa qarsy is-qimyl agenttigi Seriktestik departamenti direktorynyń orynbasary Perizat Sádýaqas aitty, dep habarlaidy QazAqparat.
«2020 jyly agenttik áleýmettik jelilerde «AntikorNews», «AntikorLive», «Agenttik qyzmetkeriniń bir kúni» jáne «AntikorCase» siiaqty áleýmettik jeli qoldanýshylary arasynda oń pikirge ie bolǵan birqatar perspektivalyq jobalardy iske qosty», - dedi Perizat Sádýaqas agenttiktiń Facebook alańynda ótken brifing barysynda.
Onyń aitýynsha, ekskliýzivti kontenti bar erekshe «AntikorNews» media-jobasy agenttiktiń BAQ-pen jáne jurtshylyqpen ózara is-qimylynyń mańyzdy quralyna ainalǵan. Ol sybailas jemqorlyqqa qarsy kontenttiń úzdiksiz onlain kórsetilimin qamtamasyz etip, sondai-aq antikor qyzmetiniń nátijeleri men basymdyqtary týraly jedel habarlap otyrady. Al «AntikorLive» media-jobasy parasattylyq ideologiiasyn túsindirýge jáne qoǵamda sybailas jemqorlyqqa qarsy mádenietti qalyptastyrýǵa baǵyttalǵan. Budan bólek, joba aiasynda sybailas jemqorlyqqa qarsy is-qimyl salasyndaǵy memleket saiasatynyń túrli aspektileri únemi jariialaidy.
«Agenttik belsendilikti arttyrý úshin Instagram paraqshasynda jańa aidarlar ashty. Aýditoriiany tartý úshin «Siz bilesiz be?», «AntikorTalanttary», «Ulylardyń qanatty sózderi», «Kún sany», «Mif jáne shyndyq» aidarymen tanymdyq jáne animatsiialyq posttar, beinerolikter jariialandy. Sondai-aq, agenttik arnaiy poshta markasy men Elbasynyń sybailas jemqorlyqqa qarsy kúres týraly qanatty sózderi bar poshta konvertterin shyǵarǵan alǵashqy memlekettik organ bolǵanyn atap ótken jón», - dedi Perizat Sádýaqas.
