Qazaqstan Respýblikasynyń Memlekettik hatshysy Qyrymbek Kósherbaevtyń tóraǵalyǵymen beine konferentsiia bailanysy rejiminde Qazaqstan Respýblikasy Prezidentiniń janyndaǵy Sybailas jemqorlyqqa qarsy is-qimyl máseleleri jónindegi komissiianyń kezekti otyrysy ótti, dep habarlaidy Aqordanyń baspasóz qyzmeti.
Otyrysta «Kvazimemlekettik sektordyń iri infraqurylymdyq kompaniialarynyń memlekettik resýrstardy paidalaný tiimdiligi týraly» másele qaraldy.
Memleket basshysy «Jańa jaǵdaidaǵy Qazaqstan: is-qimyl kezeńi» atty Qazaqstan halqyna Joldaýynda memlekettik organdarda da, kvazimemlekettik sektorda da sybailas jemqorlyq faktorlaryn anyqtaýǵa erekshe nazar aýdarýdy tapsyrdy.
Sybailas jemqorlyqqa qarsy is-qimyl jónindegi sharalar aiasynda memlekettik fýnktsiialardyń bir bóligin kvazimemlekettik sektorǵa berý máselesine erekshe nazar aýdaryldy. Osyǵan sáikes kóptegen kvazimemlekettik kompaniialar taza ekonomikalyq mindetterdi ǵana emes, sondai-aq, servistik, azamattardy qosymsha qamtamasyz etý jáne ekonomika máselelerin de sheshýge jumyldyrylǵan.
Bul rette aldaǵy kezeńge qoiylǵan mindetter qatarynda: korporativtik basqarýdy jaqsartý; ónimsiz shyǵyndardy, enshiles kompaniialar men shtattyq sandy qysqartý; qoǵamnyń ashyqtyǵy men eseptiligin arttyrý; sybailas jemqorlyqqa jol bergen adamdardy jumysqa qabyldaýǵa tyiym salýdy engizý siiaqty is-sharalar arnaiy atap ótilgen.
Jiynda ýákiletti jáne quqyq qorǵaý organdary júrgizgen tekserý nátijeleri boiynsha kvazimemlekettik sektor kompaniialarynda anyqtalǵan qordalanǵan máseleler egjei-tegjeili talqylandy. Atap aitqanda, aktsionerlik kompaniialar basshylyǵynyń nazary aktivterdi paidalaný kezinde tiisti dárejede baqylamaý faktilerine jol berýge jáne olardy basqarýda júieli problemalarǵa, ásirese, tabiǵi monopoliialar sýbektileriniń azamattar men kásipkerlerge qyzmet kórsetý barysynda sybailas jemqorlyqtyń aldyn alý jónindegi jumystyń keri nátijelerine aýdaryldy.
Atalǵan máselelermen qatar, qarjy tártibindegi anyqtalǵan zań buzýshylyqtarǵa yqpal etken sebepter men jaǵdailardy joiý jónindegi usynystardy iske asyrýǵa mán bere otyryp, Esep komiteti júrgizgen aýditorlyq tekserýlerdiń nátijeleri talqylandy.
Otyrys qorytyndysy boiynsha Memlekettik hatshy Qyrymbek Kósherbaev qarastyrylǵan máseleler boiynsha naqty tapsyrmalar berdi. Olardyń oryndalý barysy baqylaýǵa alyndy.
