Halyqaralyq aýyr atletika qaýymdastyǵy doping qoldanǵany anyqtalǵan qazaqstandyq úsh aýyr atletke qatysty sheshimin shyǵardy. Bul týraly Vesti.kz tilshisi habarlady.
IWF tártiptik-baqylaý komitetiniń sheshimi boiynsha Svetlana Podobedova 8 jylǵa sporttan shettetildi. Al Maiia Maneza men Zýlfiia Chinshanlo 2 jyl jarystarǵa qatyspaityn bolady. Bul sheshim sportshylardyń qanynan dopingtiń bar ekeni anyqtalǵannan kúnnen bastap esepteledi. Muny eskeretin bolsaq, Maiia Maneza men Zýlfiia Chinshanlo 2018 jyldyń maýsym aiynan bastap jarystarǵa qatysa berýine múmkindikteri bar. Al Svetlananyń 7 jyldan keiin sportqa oralyp, jarystarǵa qatysýy ekitalai.
Sportshylar jarystardan shettetilip qana qoimai, osyǵan deiingi rekordtary men chempiondyq ataqtaryn keri qaitaratyn bolady.
Aita keteiik, osyǵan deiin Qazaqstan aýyr atletika qaýymdastyǵynyń qoldaýymen qurylǵan qorǵaýshylar men zertteýshi mamandar toby qazaqstandyq sportshylardyń doping synamalaryn qaita qarap, zertteýdiń barlyq kezeńderinde sportshylar qoldaý maqsatynda óz nátijelerin usynǵan bolatyn.
