حالىقارالىق اۋىر اتلەتيكا قاۋىمداستىعى دوپينگ قولدانعانى انىقتالعان قازاقستاندىق ٷش اۋىر اتلەتكە قاتىستى شەشٸمٸن شىعاردى. بۇل تۋرالى Vەsti.kz تٸلشٸسٸ حابارلادى.
IWF تەرتٸپتٸك-باقىلاۋ كوميتەتٸنٸڭ شەشٸمٸ بويىنشا سۆەتلانا پودوبەدوۆا 8 جىلعا سپورتتان شەتتەتٸلدٸ. ال ماييا مانەزا مەن زۋلفييا چينشانلو 2 جىل جارىستارعا قاتىسپايتىن بولادى. بۇل شەشٸم سپورتشىلاردىڭ قانىنان دوپينگتٸڭ بار ەكەنٸ انىقتالعاننان كٷننەن باستاپ ەسەپتەلەدٸ. مۇنى ەسكەرەتٸن بولساق, ماييا مانەزا مەن زۋلفييا چينشانلو 2018 جىلدىڭ ماۋسىم ايىنان باستاپ جارىستارعا قاتىسا بەرۋٸنە مٷمكٸندٸكتەرٸ بار. ال سۆەتلانانىڭ 7 جىلدان كەيٸن سپورتقا ورالىپ, جارىستارعا قاتىسۋى ەكٸتالاي.
سپورتشىلار جارىستاردان شەتتەتٸلٸپ قانا قويماي, وسىعان دەيٸنگٸ رەكوردتارى مەن چەمپيوندىق اتاقتارىن كەرٸ قايتاراتىن بولادى.
ايتا كەتەيٸك, وسىعان دەيٸن قازاقستان اۋىر اتلەتيكا قاۋىمداستىعىنىڭ قولداۋىمەن قۇرىلعان قورعاۋشىلار مەن زەرتتەۋشٸ ماماندار توبى قازاقستاندىق سپورتشىلاردىڭ دوپينگ سىنامالارىن قايتا قاراپ, زەرتتەۋدٸڭ بارلىق كەزەڭدەرٸندە سپورتشىلار قولداۋ ماقساتىندا ٶز نەتيجەلەرٸن ۇسىنعان بولاتىن.
