Qazaqstanda óndirilgen suiytylǵan propan men býtan kóleminiń úshten ekisi eksportqa jiberiledi, dep habarlaidy QazAqparat energyprom.kz-ke silteme jasap.
2021 jylǵy qańtar–qarashada QR-da óndirilgen tabiǵi gazdyń kólemi 49,1 mlrd tekshe metrdi qurady. Bul 2020 jyldyń sáikes kezeńimen salystyrǵanda 2,6% az. Kórsetkish eki jyl qatarynan tómendep keledi jáne sońǵy tórt jyldaǵy eń tómengi kórsetkish.
2021 jylǵy qańtar-qazanda eksportqa 1,5 million tonnaǵa jýyq suiytylǵan propan men býtan jóneltildi (tiisti kezeńdegi óndiris kóleminiń 68,8 paiyzy). Bul 2020 jyldyń sáikes kezeńimen salystyrǵanda 7,6% az.
Eske salaiyq, QR Úkimeti eldegi áleýmettik-ekonomikalyq jaǵdaidy turaqtandyrý maqsatynda 2022 jyldyń 1 shildesine deiin retteletin kommýnaldyq qyzmetterge, onyń ishinde gazben jabdyqtaýǵa tarifterdi kóterýge moratorii engizdi. Sondai-aq Qazaqstannyń barlyq aýmaǵynda janar-jaǵarmai quiý stantsiialarynda kólikterge janar-jaǵarmai quiýǵa arnalǵan suiytylǵan munai gazyn bólshek saýdada ótkizýge 180 kúnge shekti baǵa belgilendi.
Elimizde suiytylǵan munai gazyn elektrondy saýda alańy arqyly satýǵa tolyq kóshý bir jylǵa keiinge shegerildi.
