©instagram/kritikakyzylordy
Qyzylorda turǵyny bazarda 1 700 000 teńge joǵaltyp alyp, áleýmettik jelide taýyp alǵandar bolsa qaitarýdy surap jazba qaldyrdy, - dep habarlaidy Tengrinews.kz agenttigi.
Instagram áleýmettik jelisindegi kritikakyzylordy-paraqshasynda qyzylordalyq erekshe habarlandyrý jariialandy.
"Búgin, 8 jeltoqsanda saǵat 9-dan óte "Miras" saýda úii men "Asdekor" dúkeniniń arasyna 1 700 000 teńge kóleminde aqsha túsip qalǵan. Tapqan adamǵa súiinshisi bar. Alǵan adam qaitaryp berýińizdi suraimyn. Bolmasa quzyrly organdarǵa júginemiz", - dep jazdy post avtory.
Pikir qaldyrǵan qoldanýshylardyń kóbi kez kelgen adam mundai úlken somany qaitaryp beredi degenge kúmándanady.
"Tapqan adam qýanǵanynan jylap jatqan shyǵar. Qolynda sonsha aqsha barda, súiinshi oǵan ne kerek! Mundai somany qalai túsirip alyp júr? Ózimiz qalatamyzda 20 myń teńge bolsa túsirip alamyz ba dep dirildep ketemiz. Jelige habarlandyrý emes, politsiiaǵa aryz jazý kerek", - dedi qoldanýshy.
Qalalyq Politsiia departamentiniń baspasóz qyzmeti olarǵa mundai ótinishpen eshkim habarlaspaǵanyn habarlady.
"Is tirkelgen joq", - dedi vedomstvonyń baspasóz qyzmeti ókilderi.
